26

April 2018
ਕੁਸ਼ੀਨਗਰ ਵਿੱਚ ਦਰਦਨਾਕ ਹਾਦਸਾ ,ਟਰੇਨ ਅਤੇ ਸਕੂਲ ਵੈਨ ਟੱਕਰ ਵਿੱਚ 13 ਬੱਚਿਆਂ ਹੀ ਹੋਈ ਮੌਤ ।ਪਾਕਿਸਤਾਨ ਗਏ ਸ਼ਰਧਾਲੂਆਂ ਦੇ ਲਾਪਤਾ ਹੋਣ ਲਈ ਦੋਵੇਂ ਦੇਸ਼ਾਂ ਦੀਆਂ ਸੁਰੱਖਿਆ ਏਜੰਸੀਆਂ ਜ਼ਿੰਮੇਵਾਰ:-ਲੌਂਗੋਵਾਲ*ਬਾਬਾ ਜੱਸਾ ਸਿੰਘ ਆਹਲੂਵਾਲੀਆ ਦੀ ਤੀਜੀ ਜਨਮ ਸ਼ਤਾਬਦੀ ਨੂੰ ਸਮਰਪਿਤ ਵਿਸ਼ਾਲ ਨਗਰ ਕੀਰਤਨ ਖਾਲਸਾਈ ਜਾਹੋ ਜਲਾਲ ਨਾਲ ਦਿੱਲੀ ਲਈ ਹੋਇਆ ਰਵਾਨਾ।ਸਬ-ਵੇ ਮੈਨੇਜਰ ਕੋਲੋਂ ਅਣਪਛਾਤੇ ਲੁਟੇਰਿਆਂ ਨਗਦੀ ਲੁੱਟੀਹਰਮਿੰਦਰ ਨੂਰਪੁਰੀ ਦਾ ਧਾਰਮਿਕ ਗੀਤ `ਕਰ ਕਿਰਪਾ´ ਫ਼ਿੰਨਲੈਂਡ ਵਿੱਚ ਰਿਲੀਜ਼ ਕੀਤਾ ਗਿਆ ...ਟੀਸ..... ਖੁਸ਼ੀ ਮੁਹੰਮਦ "ਚੱਠਾ"ਅਖ਼ਬਾਰ ਇੰਟਰਨੈੱਟ ਨੇ ਲੋਕਾਂ ਨੂੰ ਪੰਜਾਬੀ ਪੜ੍ਹਨ ਲਈ ਉਤਸ਼ਾਹਿਤ ਕੀਤਾ ਹੈ -ਸਤਵਿੰਦਰ ਕੌਰ ਸੱਤੀ (ਕੈਲਗਰੀ) -ਕੈਨੇਡਾ ਪਛਤਾਵਾ ,, ਜਸਪ੍ਰੀਤ ਕੌਰ ਸੰਘਾ ਧੀਆਂ ਮਾਤਾ ਪਿਤਾ ਦਾ ਅਨਮੋਲ ਖਜਾਨਾ ,, ਪਰਮਜੀਤ ਕੌਰ ਸੋਢੀ ਭਗਤਾ ਭਾਈ ਕਾ'ਵਿਰਸੇ ਦਾ ਵਾਰਿਸ' ਖਿਤਾਬ ਨਾਲ ਨਿਵਾਜਿਆ - ਜਸਵੀਰ ਸ਼ਰਮਾਂ ਦੱਦਾਹੂਰ
Article

" ਦੁੱਧ ਦੇ ਗਲਾਸ ਦੀ ਕੀਮਤ " ਹਾਕਮ ਸਿੰਘ ਮੀਤ

January 10, 2018 09:14 PM

 " ਦੁੱਧ ਦੇ ਗਲਾਸ ਦੀ ਕੀਮਤ " 


ਮੰਡੀ ਗੋਬਿੰਦਗਡ਼੍ਹ ਸ਼ਹਿਰ ਵਿੱਚ ਇੱਕ ਬਜੁਰਗ ਜੋੜਾ ਰਹਿ ਰਿਹਾ ਸੀ ਇੱਕ ਉਹਨਾਂ ਦਾ ਪੁੱਤਰ ਸੀ "  ਧਰਮਵੀਰ ਸਿੰਘ " ਜੋ ਡਰਾਈਵਿੰਗ ਦਾ ਕੰਮ ਕਰਕੇ ਆਪਣੇ ਪੀੑਵਾਰ ਦਾ ਗੁਜ਼ਾਰਾ ਕਰਦਾ ਸੀ । ਫਿਰ " ਧਰਮਵੀਰ " ਦਾ ਵਿਆਹ ਕਰ ਦਿੱਤਾ , ਵਾਹਿਗੁਰੂ ਨੇ ਉਹਨਾਂ ਨੂੰ ਇੱਕ ਪੁੱਤਰ ਦੀ ਦਾਤ ਬਖਸ਼ੀ , ਜਿਸ ਨਾਮ ਕੋਹੇਨੂਰ ਰੱਖਿਆ ।
            ਇੱਕ ਦਿਨ " ਧਰਮਵੀਰ " ਦੀ ਮਾਂ " ਗੁਰਜੀਤ ਕੌਰ " ਅਚਾਨਕ ਬਿਮਾਰ ਹੋ ਗਈ ਉਸਨੂੰ ਚੱਕ ਕੇ ਹਸਪਤਾਲ ਵਿੱਚ ਦਾਖਲ ਕਰਵਾ ਦਿੱਤਾ , ਜਿੱਥੇ ਡਾਕਟਰਾਂ ਨੇ ਮਿਤੑਕ ਕਰਾਰ ਦੇ ਦਿੱਤਾ ।
           " ਧਰਮਵੀਰ" ਦੀ ਮਾਂ ਦੀ ਅਚਾਨਕ ਮੌਤ ਤੋਂ ਬਾਅਦ ਉਸਦੇ ਬਾਪੂ ਜੀ ਨੇ ਸਾਰੀ ਜਾਈਦਾਦ ਆਪਣੇ ਮੁੰਡੇ " ਧਰਮਵੀਰ " ਅਤੇ ਨੂੰਹ " ਸੁਖਦੀਪ ਕੌਰ " ਦੇ ਨਾਮ ਕਰ ਦਿੱਤੀ " ਧਰਮਵੀਰ " ਦਾ ਬਾਪੂ ਜੀ " ਹਾਕਮ ਸਿੰਘ ਮੀਤ " ਲਿਖਣ ਤੇ ਪੜਣ ਦਾ ਬਹੁਤ ਸ਼ੁਕੀਨ ਸੀ ਅਤੇ ਸਾਰਿਆਂ ਦੇ ਦੁੱਖ ਸੁੱਖ ਦਾ ਸਾਂਝੀ ਸੀ  ਹਰ ਇੱਕ ਦੇ ਕੰਮ ਆਉਣ ਵਾਲਾ ਬੰਦਾ ਸੀ । ਅਤੇ ਦੁੱਧ ਪੀਣ ਦਾ ਬਹੁਤ ਸੁਕੀਨ ਸੀ , ਚਾਹ ਤਾਂ ਕਦੇ ਉਸਨੇ ਆਪਣੇ ਮੂੰਹ ਨੂੰ ਨਹੀਂ ਸੀ ਲਾਈ ।
            "ਧਰਮਵੀਰ " ਦਾ ਬਾਪੂ ਜੀ ਥੋਡ਼ਾ ਬਹੁਤਾ ਕੰਮਾਂ ਕਰਦਾ ਬਾਕੀ ਸਮਾਂ ਲਿਖਣ ਪੜਣ ਵਿੱਚ ਗੁਜ਼ਾਰ ਦਿੰਦਾ " ਧਰਮਵੀਰ " ਆਪਣੇ ਬਾਪੂ ਜੀ ਨੂੰ ਕਦੇ ਕੁੱਝ ਨਹੀਂ ਬੋਲਦਾ ਸੀ , ਹਰ ਟਾਈਮ ਆਪਣੇ ਬਾਪੂ ਜੀ ਦਾ ਖਿਆਲ ਰੱਖਦਾ ਸੀ ਬਹੁਤ ਕੰਮਾਂ ਕਰ ਲਿਆ ਹੁਣ ਤੁਸੀਂ ਅਰਾਮ ਕਰਿਆ ਕਰੋ ।
       ਇੱਕ ਦਿਨ " ਧਰਮਵੀਰ " ਦੇ ਬਾਪੂ ਜੀ ਕੰਮ ਕਰਕੇ ਆਏ ਤਾਂ " ਨੂਰ " ਨੇ ਉਹਨਾਂ ਨੂੰ ਪਾਣੀ ਦਾ ਗਲਾਸ ਲਿਆ ਕੇ ਦਿੱਤਾ ,
ਬਾਪ ਜੀ ਨੇ ਪਾਣੀ ਪੀਤਾ ।
       ਫਿਰ " ਨੂਰ " ਨੂੰ ਕਿਹਾ ਜਾ ਤੇਰੀ ਮੰਮੀ ਨੂੰ ਕਹਿੰਦੇ ਮੈਨੂੰ ਰੋਟੀ ਪਾ ਦੇਵੇ ਬਹੁਤ ਭੁੱਖ ਲੱਗੀ ਹੈਂ " ਨੂਰ " ਅੰਦਰੋਂ ਆਪਣੀ ਮੰਮੀ " ਸੁਖਦੀਪ ਕੌਰ " ਤੋਂ ਥਾਲ ਵਿੱਚ ਰੋਟੀ ਪਵਾਕੇ ਲਿਆ ਕੇ ਦਿੰਦਾ ਹੈਂ , ਫਿਰ ਦੋਹਨੇ ਦਾਦਾ ਪੋਤਾ ਰੋਟੀ ਖਾਣ ਲੱਗ ਜਾਂਦੇ ਹਨ " ਸੁਖਦੀਪ " ਨੂਰ " ਨੂੰ  ਦਾਦੇ ਨਾਲ ਰੋਟੀ ਖਾਦਾਂ ਦੇਖ ਕੇ ਅੱਖਾਂ ਵਿਚੋਂ ਘੂਰ ਰਹੀ ਸੀ ਪਰ " ਨੂਰ " ਉਪਰ ਕੋਈ ਅਸਰ ਨਹੀਂ ਹੋ ਰਿਹਾ ਸੀ , ਰੋਟੀ ਖਾਦੀ ਫਿਰ ਬਾਪੂ ਜੀ ਨੇ ਅਵਾਜ਼ ਦਿੱਤੀ " ਸੁਖਦੀਪ " ਪੁੱਤਰ ਮੈਨੂੰ ਇੱਕ ਦੁੱਧ ਗਲਾਸ ਗਰਮ ਕਰਕੇ ਦੇਦੇ " ਸੁਖਦੀਪ " ਬੋਲੀ ਬਾਪੂ ਜੀ ਅੱਜ ਦੁੱਧ ਨਹੀਂ ਹੈ ਬਿੱਲੀ ਨੇ ਸਾਰਾ ਦੁੱਖ ਡੋਲ ਦਿੱਤਾ ਹੈ ।
                 "ਅੱਛਿਆ ਪੁੱਤਰ ਰਹਿਣ ਦਿਓ "
ਇਹ ਕਿਹ ਕੇ ਆਪਣੇ ਦੂਸਰੇ ਕਮਰੇ ਵਿੱਚ ਪੜਣ ਲਿਖਣ ਬੈਠ ਗਿਆ । ਫਿਰ " ਧਰਮਵੀਰ " ਆਉਂਦਾ ਹੈ ਪੁੱਛਦਾ ਹੈ ਬਾਪੂ ਜੀ ਨੇ ਰੋਟੀ ਖਾ ਲਈ ਹੈਂ " ਸੁਖਦੀਪ " ਬੋਲੀ ਖਾ ਲਈ ਏ ਵਿਹਲਡ਼ ਨੇ ਕਿਹਡ਼ਾ ਕੋਈ ਕੰਮ ਕਰਨਾ ਅੈ " ਧਰਮਵੀਰ " ਚੁੱਪ ਰਿਹਾ ਕੁੱਝ ਨਹੀਂ ਬੋਲਿਆ ।
   ਫਿਰ ਕਹਿਣ ਲੱਗਿਆ " ਸੁਖਦੀਪ " ਮੈਨੂੰ ਵੀ ਰੋਟੀ ਪਾ ਦੇ " ਸੁਖਦੀਪ " ਨੇ ਰੋਟੀ ਪਾ ਕੇ ਟੇਬਲ ਉਪਰ ਲਾ ਦਿੱਤੀ ਫਿਰ ਦੋਹਨੇ ਰੋਟੀ ਖਾਣ ਲੱਗ ਪਏ , ਅਜੇ ਰੋਟੀ ਖਾ ਹੀ ਰਹੇ ਸੀ " ਨੂਰ " ਦੇ ਨਾਨਾ ਜੀ ਆ ਗਏ
" ਸੁਖਦੀਪ " ਨੇ ਰੋਟੀ ਵਿਚਾਲੇ ਛੱਡ ਕੇ ਆਪਣੇ ਬਾਪੂ ਜੀ " ਗੁਰਮੇਲ ਸਿੰਘ "ਨੂੰ ਦੁੱਧ ਦਾ ਗਲਾਸ ਗਰਮ ਕਰਕੇ ਲੈ ਕੇ ਆਉਂਦੀ ਹੈਂ , ਦੁੱਧ ਦਾ ਗਲਾਸ ਟੇਬਲ ਉੁੱਤੇ ਰੱਖ ਕੇ ਅੰਦਰ ਚਲੀ ਜਾਦੀ ਹੈਂ " ਨੂਰ " ਇਹ ਸਭ ਕੁੱਝ ਦੇਖ ਰਿਹਾ ਸੀ ਕਿ ਦਾਦਾ ਜੀ ਨੂੰ ਤਾਂ ਦੁੱਧ ਦਿੱਤਾ ਨੀ " ਮੰਮੀ " ਕਹਿੰਦੀ ਬਿੱਲੀ ਨੇ ਡੋਲ ਦਿੱਤਾ ਹੈ " ਨੂਰ " ਨੇ ਦੁੱਧ ਦਾ ਗਲਾਸ ਚੱਕਿਆ ਆਪਣੇ ਦਾਦਾ ਜੀ ਨੂੰ ਦੇ ਆਇਆ ,ਕਹਿੰਦਾ ਦਾਦਾ ਜੀ  ਬਿੱਲੀ ਨੇ ਦੁੱਧ ਡੋਲ ਦਿੱਤਾ ਸੀ , ਬਿੱਲੀ ਦੁੱਧ ਵਾਪਸ ਕਰ ਗਈ ਹੈ ।
              " ਦਾਦਾ ਜੀ " ਹੁਣ ਕੁੱਝ ਸੋਚ ਰਿਹਾ ਸੀ ।"
"ਸੁਖਦੀਪ" ਅੰਦਰੋਂ ਬਹਾਰ ਆਈ ਤਾਂ ਕੀ ਦੇਖ ਰਹੀ ਹੈ ਟੇਬਲ ਉਪਰ " ਬਾਪ ਜੀ " ਅੱਗੇ ਦੁੱਧ ਦਾ ਗਲਾਸ ਨਹੀਂ ਹੈਂ ਸੁਖਦੀਪ ਨੇ ਆਪਣੇ " ਬਾਪੂ ਜੀ" ਨੂੰ ਪੁੱਛਿਆ ਬਾਪੂ ਜੀ ਤੁਸੀਂ ਦੁੱਧ ਪੀ ਲਿਆ ਹੈਂ ਨਹੀ ਪੁੱਤਰ " ਨੂਰ " ਦੇ ਨਾਨਾ ਜੀ ਕਹਿਣ ਲੱਗੇ ਉਹ ਤਾਂ " ਨੂਰ " ਚੱਕ ਕੇ ਦੁੱਧ ਦਾ ਗਲਾਸ ਆਪਣੇ " ਦਾਦਾ ਜੀ" ਨੂੰ ਦੇ ਆਇਆ ਅਤੇ " ਦਾਦਾ ਜੀ " ਨੂੰ ਕਹਿੰਦਾ ਬਿੱਲੀ ਦੁੱਧ ਵਾਪਸ ਕਰ ਗਈ ਅੈਂ ।
            "ਸੁਖਦੀਪ " ਗੁੱਸੇ ਨਾਲ ਕਹਿਣ ਲੱਗੀ " ਨੂੰਰ " ਤੂੰ ਆਪਣੇ ਨਾਨਾ ਜੀ ਅੱਗੋਂ ਦੁੱਧ ਦਾ ਗਲਾਸ ਕਿਉਂ ਚੱਕਿਆ ਹੈਂ " ਨੂਰ " ਮੰਮੀ ਜੀ ਮੈਂ ਨਹੀਂ ਚੱਕਿਆ ਉਹ ਤਾਂ ਬਿੱਲੀ ਪੀ ਗਈ ਅੈਂ " ਦਾਦਾ " ਜੀ ਨੂੰ ਤਾਂ ਉਹ ਦੁੱਧ ਦਾ ਗਲਾਸ ਦੇ ਕੇ ਆਇਆ , ਜੋ ਬਿੱਲੀ ਦੁੱਧ ਵਾਪਸ ਕਰਕੇ ਗਈ ਸੀ।
        " ਸੁਖਦੀਪ " ਹੁਣ ਕੁੱਝ ਸੋਚਣ ਲਈ ਮਜ਼ਬੂਰ ਸੀ "
ਦੂਸਰੇ ਦਿਨ ਸਾਰਾ ਪੀੑਵਾਰ ਇਕੱਠਾ ਬੈਠਾ ਸੀ ਤਾਂ " ਨੂਰ " ਦੇ " ਦਾਦਾ ਜੀ " ਨੇ ਧਰਮਵੀਰ ਅਤੇ ਸੁਖਦੀਪ ਨਾਮ ਤੋ ਵਸੀਅਤਨਾਮਾ ਤੜਵਾ ਕਿ  ਸਾਰੀ ਜਾਈਦਾਦ ਦਾ ਵਸੀਅਤਨਾਮਾ ਲਿਖਵਾਕੇ " ਨੂਰ " ਦੇ  ਹੱਥ ਤੇ ਰੱਖ ਦਿਤਾ , ਅਤੇ ਕਹਿਣ ਲੱਗਿਆ ਪੁੱਤਰ ਇਹ ਦੁੱਧ ਦੇ ਗਲਾਸ ਦੀ ਕੀਮਤ ਹੈਂ ਜੋ ਬਿੱਲੀ ਵਾਪਸ ਕਰ ਗਈ ਸੀ , ਜੋ ਮੈਨੂੰ ਦੇ ਕੇ ਆਇਆ ਸੀ ।
       ਹੁਣ " ਸੁਖਦੀਪ " ਆਪਣੀ ਗਲਤੀ ਮਹਿਸੂਸ ਕਰ ਰਹੀ ਸੀ ਅਤੇ  ਦੁੱਧ ਦੇ ਗਲਾਸ ਦੀ ਕੀਮਤ ਦਾ ਪਤਾ ਲੱਗ ਚੁੱਕਿਆ ਸੀ ।
             ਹਾਕਮ ਸਿੰਘ ਮੀਤ
               " ਮੰਡੀ ਗੋਬਿੰਦਗਡ਼੍ਹ

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech