16

January 2018
ਔਰਤ // ਗੁਰਪ੍ਰੀਤ...ਕੈਕਟਸ ਤੇ ਖਿੜਿਆ ਫੁੱਲ : ਡਾ. ਅਮਰਜੀਤ ਕੌਕੇ,,,,,,,,,,, (ਪ੍ਰੀਤਮ ਲੁਧਿਆਣਵੀ, ਚੰਡੀਗੜ)PUNJAB CM DIRECTS INDUSTRIES DEPT TO EXPLORE SETTING UP OF DESIGNATED HELP DESK FOR PUNJAB INVESTORS ABROADਪੂਰੀ ਤਰਾਂ ਅਪਣੇ ਫਰਜ਼ਾਂ ਪ੍ਰਤੀ ਸਮੱਰਪਿਤ ਰਹਿਣ ਵਾਲੀ ਸਖਸ਼ੀਅਤ ਗੁਰਭੇਜ ਸਿੰਘ ਗੁਰਾਇਆ,,ਅਰਵਿੰਦਰ ਕੌਰ ਸੰਧੂ ਸੱਖਣੀ ਲੋਹੜੀ,,, ਅਕਵੀਰ ਕੌਰਪਿੰਡ ਟੌਹੜਾ ਦੇ ਸਕੂਲ ਵਿਚਲੇ ਵਿਵਾਦ ਦੀ ਪੜਤਾਲ ਡਿਪਟੀ ਕਮਿਸ਼ਨਰ ਦੀ ਅਗਵਾਈ ਹੇਠ ਕਰੇਗੀ ਜਾਂਚ ਕਮੇਟੀ-ਸਾਧੂ ਸਿੰਘ ਧਰਮਸੋਤਪੰਜਾਬ ਦਾ ਵਾਤਾਵਰਨ ਬਹੁਤ ਸੁਹਾਵਣਾ ਅਤੇ ਮਨਮੋਹਕ ਹੈ//ਇੰਜੀ: ਸਤਨਾਮ ਸਿੰਘ ਮੱਟੂਘਨੌਰੀ ਕਲਾਂ 'ਚ 21 ਧੀਆਂ ਦੀ ਲੋਹੜੀ ਮਨਾਈ ਦੇਸ਼ ਦੇ ਸਰਬਉੱਚ ਕਨੂੰਨ ਮੰਦਰ ਦੇ ਨੱਕ ਹੇਠਾਂ ਵਾਪਰੇ 1984 ਦੇ ਯੋਜਨਾਵੱਧ ਸਿੱਖ ਕਤਲੇਆਮ ਦਾ ਦੁਖਾਂਤਹਿੰਦੂ ਧਰਮ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਵਾਲੇ ਕਵੀ ਸੁਰਜੀਤ ਗੱਗ ਖਿਲਾਫ ਮਾਮਲਾ ਦਰਜ.
Poem

ਸਮਾਜ//ਕੌਰ ਬਿੰਦ

January 10, 2018 09:22 PM

ਸਮਾਜ


ਕਿਹੜੇ ਰਾਹੇ ਪੈ ਗਿਆ ਅੱਜ ਦਾ ਸਮਾਜ ਜੀ,
ਬਦਲੀਆਂ ਰੀਤੀਆਂ ਤੇ ਬਦਲੇ ਰਿਵਾਜ਼ ਜੀ ।  
ਸਿਰ ਫੁਲਕਾਰੀ ਤੇ ਨਾ ਡੰਡੀ ਵਾਲੇ ਝੁਮਕੇ,
ਗਿੱਠ ਉੱਚੀ ਹੀਲ ਪਾ ਕੇ ਲਗਾਉਂਦੀ ਫਿਰੇ ਠੁਮਕੇ।
ਪੰਜਾਬੀ ਜੁੱਤੀ ਵਾਲੀ ਚੂੰ-ਚੂੰ ਆਵੇ ਨਾ ਅਵਾਜ਼ ਜੀ,
ਕਿਹੜੇ ਰਾਹੇ .... ....


ਭੁੱਲ ਕੇ ਜਲੇਬੀ ਜੂੜਾ ਵਾਲ ਖੁੱਲੇ ਛੱਡਦੀ,
ਡਰਦੀ ਏ ਮੱਝਾਂ ਤੋਂ ਨਾ ਧਾਰ ਜੱਟੀ ਕੱਢਦੀ ।
ਦਰਜੀ ਨੂੰ ਕਹਿੰਦੀ ਟੈਗ ਸੂਟ ਤੇ ਕਿਓਂ ਲਾਂਵੇ ਨਾ,
ਮਾਡਲ ਕੋਈ ਟੋਮੀ ਦਾ ਸਲਵਾਰ 'ਚ ਬਣਾਵੇਂ ਨਾ ।
ਕੱਢ ਫੁਲਕਾਰੀਆਂ ਬਣਾਉਂਦੀ ਨਾ ਕੋਈ ਦਾਜ ਜੀ,
ਕਿਹੜੇ ਰਾਹੇ .... ....


ਕੱਢ ਹਲਵਾਈਆ ਹੱਲ ਬਿਨਾਂ ਮਿੱਠੇ ਤੋਂ ਜਲੇਬੀ ਦਾ,
ਕਰਦਾ ਏ ਦਿਲ ਅੱਜ ਖਾਣ ਨੂੰ ਮੇਰੀ ਬੇਬੀ ਦਾ।
ਨਖ਼ਰੇ ਦੀ ਤਿੱਖੀ ਨਾ ਪਸੰਦ ਨਮਕੀਨ ਏ,
ਮੋਟੀ ਹੋਣੋਂ ਡਰੇ ਪਰ ਮਿੱਠੇ ਦੀ ਸ਼ੁਕੀਨ ਏ।
ਕੋਈ ਸ਼ੁਗਰ ਫ੍ਰੀ ਮਠਿਆਈ ਬਣਾ ਦਿਓ ਜਨਾਬ ਜੀ,
ਕਿਹੜੇ ਰਾਹੇ .... ....


ਗੀਤਾਂ ਵਿੱਚ ਢੱਡ ਨਾ ਸਾਰੰਗੀ ਸੁਣਦੀ,
ਕਹਿੰਦੇ ਚੋਰੀ ਬੈਠੀ ਕੁੜੀ ਚਮਕੀਲਾ ਸੁਣਦੀ।
ਪਾਟੀ ਜਹੀ ਜੀਨ ਨਾਲ ਪੁੱਠੇ ਸਿੱਧੇ ਟੋਪ ਜੀ,
ਘੋੜੀਆਂ ਸੁਹਾਗ ਛੱਡ ਗੀਤ ਹੋ ਗਏ ਪੋਪ ਜੀ।
ਲੱਚਰਪੁਣੇ ਦਾ ਹੋਇਆ ਦਿਲਾਂ ਉਤੇ ਰਾਜ ਜੀ,
ਕਿਹੜੇ ਰਾਹੇ .... ....


ਰੱਖਦੇ ਸੀ ਅਸੀਂ ਸੀਰੀ ਪਿੰਡ ਪੱਠੇ ਪਾਉਣ ਨੂੰ,
ਐਪਲ ਵਾਲੇ ਲੈ ਗਏ ਉਹਨੂੰ ਸਰਚਾਂ ਕਰਵਾਉਣ ਨੂੰ।
ਕੰਨਾਂ 'ਚ ਸਪੀਕਰ ਜਹੇ ਲਾ ਲੈੰਦੇ ਤੜਕੇ,
ਹੱਸੀ ਜਾਂਦੇ ਇਕੱਲੇ ਗ਼ੁਸਲਖ਼ਾਨੇ ਵਿੱਚ ਵੜ ਕੇ।
ਪਿੰਡ ਵਾਲੇ ਪਾਠੀ ਦੀ “ਬਿੰਦ“  ਸੁਣੇ ਨਾ ਅਵਾਜ਼ ਜੀ,
ਕਿਹੜੇ ਰਾਹੇ ਪੈ ਗਿਆ ਅੱਜ ਦਾ ਪੰਜਾਬ ਜੀ।


ਕੌਰ ਬਿੰਦ

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech