16

October 2018
Punjabi

ਸ਼ੋਸ਼ਲ ਮੀਡੀਆ ਤੇ ਕਾਂਗਰਸੀ ਆਗੂ ਦੀ ਹਰਕਤ ਬਣੀ ਚਰਚਾ ਦਾ ਵਿਸ਼ਾ

January 11, 2018 11:13 PM

ਸ਼ੋਸ਼ਲ ਮੀਡੀਆ ਤੇ ਕਾਂਗਰਸੀ ਆਗੂ ਦੀ ਹਰਕਤ ਬਣੀ ਚਰਚਾ ਦਾ ਵਿਸ਼ਾ


ਜੰਡਿਆਲਾ ਗੁਰੂ 11 ਜਨਵਰੀ ਵਰਿੰਦਰ ਸਿੰਘ :- ਜੰਡਿਆਲਾ ਗੁਰੂ ਸ਼ਹਿਰ ਵਿਚ ਵੱਖ ਵੱਖ ਧੜਿਆਂ ਵਿਚ ਵੰਡੇ ਕਾਂਗਰਸੀ ਆਗੂ ਹਲਕਾ ਵਿਧਾਇਕ ਸੁਖਵਿੰਦਰ ਸਿੰਘ ਡੈਨੀ ਦੀਆਂ ਨਜ਼ਰਾਂ ਵਿਚ ਆਪਣੇ ਆਪਣੇ ਨੰਬਰ ਬਣਾਉਣ ਵਿਚ ਲੱਗੇ ਹੋਏ ਹਨ ਭਾਵੇਂ ਕਿ ਹਲਕਾ ਵਿਧਾਇਕ ਡੈਨੀ ਵਲੋਂ ਸ਼ਹਿਰ ਵਾਸੀਆਂ ਦੀਆਂ ਮੁਸ਼ਕਿਲਾਂ ਨੂੰ ਹੱਲ ਕਰਨ ਲਈ ਵੱਖ ਵੱਖ ਵਾਰਡਾ ਵਿਚ ਖੁਦ ਜਾਕੇ ਸਮੱਸਿਆਵਾਂ ਨੂੰ ਦੂਰ ਕੀਤਾ ਜਾ ਰਿਹਾ ਹੈ । ਇਸ ਦੌਰਾਨ ਹਰ ਇਕ ਕਾਂਗਰਸੀ ਆਗੂ ਵਲੋਂ ਸ਼ੋਸ਼ਲ ਮੀਡੀਆ ਤੇ ਇਸ ਬਾਬਤ ਪੋਸਟ ਪਾਕੇ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਅਤੇ ਜਨਤਾ ਵਲੋਂ ਵੀ ਸ਼ੋਸ਼ਲ ਮੀਡੀਆ ਤੇ ਇਹਨਾਂ ਪੋਸਟਾਂ ਵਿਚ ਆਪਣੀਆਂ ਮੁਸ਼ਕਿਲਾਂ ਦੱਸੀਆਂ ਜਾ ਰਹੀਆਂ ਹਨ । ਪਰ ਇਕ ਦਿਲਚਸਪ ਘਟਨਾ ਵਿਚ ਖੁਦ ਇਕ ਕਾਂਗਰਸੀ ਆਗੂ ਜੋ ਆਪਣੇ ਆਪ ਨੂੰ ਕਾਂਗਰਸ ਪਾਰਟੀ ਦਾ ਸ਼ਹਿਰੀ ਪ੍ਰਧਾਨ ਦੱਸਦਾ ਹੈ, ਸ਼ੋਸ਼ਲ ਮੀਡੀਆ ਤੇ ਪਾਈ ਹੋਈ ਆਪਣੀ ਹੀ ਪੋਸਟ ਵਿਚ ਇਕ ਦਰਸ਼ਕ ਵਲੋਂ ਸ਼ਹਿਰ ਦੀਆਂ ਬੰਦ ਪਈਆਂ ਲਾਈਟਾਂ ਸਬੰਧੀ ਪੁੱਛੇ ਗਏ ਇਕ ਸਵਾਲ ਵਿਚ ਕੋਈ ਜਵਾਬ ਦੇਣ ਦੀ ਜਗ੍ਹਾ ਦੰਦੀਆਂ ਕੱਢਕੇ ਮਜਾਕ ਬਣਾ ਰਿਹਾ ਹੈ ।  ਜਿਸਦੀ ਸ਼ਹਿਰ ਵਿਚ ਖੂਬ ਚਰਚਾ ਚੱਲ ਰਹੀ ਹੈ ਕਿ ਕੀ ਇਹ ਆਗੂ ਸਿਰਫ ਫੋਕੀ ਸ਼ੋਹਰਤ ਹਾਸਿਲ ਕਰਨ ਲਈ ਹੀ ਫੋਟੋਆਂ ਖਿਚਵਾਉਣ ਲਈ ਅੱਗੇ ਅੱਗੇ ਹੁੰਦੇ ਹਨ ਜਦੋਂ ਕਿ ਇਹਨਾਂ ਦੇ ਮਨਾਂ ਵਿਚ ਜਨਤਾ ਦੀਆਂ ਮੁਸ਼ਕਿਲਾਂ ਸਬੰਧੀ ਕੋਈ ਵੀ ਫਿਕਰ ਨਹੀਂ ?  ਅਤੇ ਉਲਟਾ ਜਨਤਾ ਵਲੋਂ ਸਵਾਲ ਕਰਨ ਤੇ ਦੰਦੀਆਂ ਕੱਢਕੇ ਦਿਖਾ ਦਿੰਦੇ ਹਨ ਜਿਸਦਾ ਤਾਂ ਇਹੀ ਮਤਲਬ ਨਿਕਲਦਾ ਹੈ ਕਿ ਅਸੀਂ ਕਾਂਗਰਸ ਦਾ ਮਖੌਟਾ ਪਹਿਨਕੇ ਡਰਾਮੇਬਾਜ਼ੀ ਕਰ ਰਹੇ ਹਾਂ । ਸ਼ਹਿਰ ਵਾਸੀਆਂ ਵਲੋਂ ਹਲਕਾ ਵਿਧਾਇਕ ਡੈਨੀ ਕੋਲੋ ਵੀ ਮੰਗ ਕੀਤੀ ਜਾ ਰਹੀ ਹੈ ਕਿ ਅਜਿਹੇ ਆਗੂਆਂ ਨੂੰ ਜਨਤਾ ਦੇ ਸਵਾਲਾਂ ਦਾ ਜਵਾਬ ਸਹੀ ਤਰੀਕੇ ਨਾਲ ਦੇਣ ਸਬੰਧੀ ਸਿਆਸਤ ਦਾ ਪਾਠ ਪੜ੍ਹਾਇਆ ਜਾਵੇ ।

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech