FOLLOW US ON

Poem

ਵੰਡੋ ਧੀਆਂ ਦੀਆਂ ਲੋਹੜੀਆਂ ਰਾਜਵਿੰਦਰ ਰੌਂਤਾ

January 12, 2018 08:39 PM
General

ਵੰਡੋ ਧੀਆਂ ਦੀਆਂ ਲੋਹੜੀਆਂ   

   ਜੰਮ ਪਈ ਜੇ ਕੁੜੀ ਪਾਈਆਂ ਮੱਥੇ ਕਿਉਂ ਤਿਉੜੀਆਂ
 ਬੰਨੋ ਬੂਹੇਂ 'ਚ ਸ਼ਰੀਂਹ ਵੰਡੋ ਧੀਆਂ ਦੀਆਂ ਲੋਹੜੀਆਂ ।
    ਧੀਅ ਮਾਪਿਆਂ ਦਾ ਜੱਗ ਉੱਤੇ ਨਾਉਂ ਚਮਕਾਉਂਦੀ
  ਦੇਵੇ ਮਾਣ ਸਤਿਕਾਰ ਦਾਹੜੀ ਹੱਥ ਵੀ ਨਹੀਂ ਪਾਉਂਦੀ
    ਮਾਣ ਕਰ ਬਾਪੂ ਦੇ ਕੇ ਮੁੱਛ ਨੂੰ ਮਰੋੜੀਆਂ,
    ਬੰਨੋ ਬੂਹੇ 'ਚ ਸ਼ਰੀਂਹ.
  ਮੁੰਡੇ ਕੁੜੀ ਦੇ ਫ਼ਰਕ ਵਾਲਾ ਰਿਹਾ ਨੀ ਜਮਾਨਾਂ
  ਯੁੱਗ ਕੁੜੀਆਂ ਦਾ ਆਇਆ ਗੱਲ ਸੁਣ ਉਏ ਜਵਾਨਾਂ
  ਪੁੱਤਰ ਤੇ ਧੀਅ ਨਾਲ ਬਣਦੀਆਂ ਜੋੜੀਆਂ ,
  ਬੰਨੋ ਬੂਹੇ 'ਚ ਸ਼ਰੀਂਹ
ਉਹ ਕਿਹੜਾ ਕੰਮ ਜਿਹੜਾ ਕੁੜੀਆਂ ਨਹੀਂ ਕੀਤਾ
 ਪਰ ਕਿਸੇ ਮਾਂ ਨੇ ਪਾਣੀ ਵਾਰ ਧੀ ਤੋਂ ਨੀਂ ਪੀਤਾ
  ਅੱਧ ਰਿੜਕਾ ਨੀ  ਦਿੱਤਾ ਨਾਂ ਹੀ ਮਿਲੀਆਂ ਘਰੋੜੀਆਂ ,
  ਬੰਨੋਂ ਬੂਹੇ 'ਚ ਸ਼ਰੀਂਹ
ਬਾਬੇ ਨਾਨਕ ਨੇ ਔਰਤ ਨੂੰ ਦਿੱਤਾ ਸਨਮਾਨ ਜੀ
ਕੁੜੀਆਂ ਨਾ ਰਾਜੂ  ਰੌਂਤੇ  ਵੱਸਣਾ ਜਹਾਨ ਜੀ
  ਸ਼ਗਨ ਮਨਾਉ ਵੰਡੋ ਮੂੰਗਫ਼ਲੀ ਰਿਉੜੀਆਂ ,
 ਬੰਨੋ ਬੂਹੇ 'ਚ ਸ਼ਰੀਂਹ ਵੰਡੋ ਧੀਆਂ ਦੀਆਂ ਲੋਹੜੀਆਂ।
 
    ਰਾਜਵਿੰਦਰ ਰੌਂਤਾ
,ਰੌਂਤਾ (ਮੋਗਾ) 9876486187

Have something to say? Post your comment