26

May 2018
Poem

ਗ਼ਜ਼ਲ /ਭਜਨ ਆਦੀ

January 14, 2018 09:29 PM

ਇਸ਼ਕ ਨੇ ਜਦ ਵੀ ਕੀਤੀ ਹਰ ਥਾਂ ਤਬਾਹੀ ਮੇਰੀ!
ਮਹਿਬੂਬ ਜ਼ਿੰਦਗੀ ਹੋ ਗਈ ਹੈ ਸ਼ੈਦਾਈ ਮੇਰੀ!

ਕੁਦਰਤ ਹੈ ਸਾਰੀ ਹੋਈ ਮੁੱਠੀ 'ਚ ਬੰਦ ਮੇਰੇ,
ਜਦ ਤੋੰ ਬਣੀ ਖ਼ੁਦਾ ਹੈ ਤੇਰੀ ਖ਼ੁਦਾਈ ਮੇਰੀ!

ਮਹਿਬੂਬ ਮੇਰੇ ਜਦ ਤੋੰ ਚੰਦ ਈਦ ਦਾ ਬਣੇ ਨੇ,
ਦੁਲਹਨ ਦੇ ਵਾਂਗ ਮਿਲਦੀ ਹੈ ਤਨਹਾਈ ਮੇਰੀ!

ਮਿੱਤਰਾਂ ਨੇ ਦੋਸ਼ ਲਾਏ ਝੂਠਾ ਫਰੇਬੀ ਕਹਿ ਕੇ,
ਪਲ ਵਿਚ ਸੀ ਮਿੱਟੀ ਹੋਈ ਕੀਤੀ ਭਲਾਈ ਮੇਰੀ!

ਜਦ ਖ਼ੁਦਕੁਸ਼ੀ ਕਰਨ ਤੋੰ ਕੀਤਾ ਮਨ੍ਹਾ ਨ ਲੋਕਾਂ,
ਤੇਰੀ ਵਸਲ ਦੀ ਆਸ ਨੇ ਪਕੜੀ ਕਲਾਈ ਮੇਰੀ!

ਜੋਬਨ ਜਵਾਨੀ ਅਪਣੀ ਦਿਲਬਰ ਸੰਭਾਲ਼ ਰੱਖੀੰ,
ਮੇਰੀ ਹੈ ਜਾਨ ਕੱਢਦੀ ਇੱਕੋ ਅੰਗੜਾਈ ਤੇਰੀ!

ਐੰਵੇੰ ਸਮਾਂ ਨਾ `ਆਦੀ 'ਰੋ ਰੋ ਖ਼ਰਾਬ ਕਰਨੈ,
ਚੜ੍ਹ ਜਾ ਸੂਲੀ ਨ ਸੁਣਨੀ ਪਾਈ ਦੁਹਾਈ ਤੇਰੀ!

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech