Poem

ਔਰਤ // ਗੁਰਪ੍ਰੀਤ...

January 16, 2018 01:02 AM

ਔਰਤ
ਔਰਤ ਸਿਰਫ ਓਦੋਂ ਤੱਕ
ਤੁਹਾਡੀ ਹੁੰਦੀ ਹੈ
ਜਦੋਂ ਤੱਕ ਉਹ ਤੁਹਾਡੇ ਨਾਲ
ਰੁੱਸਦੀ ਹੈ,ਲੜਦੀ ਹੈ
ਹੰਝੂ ਵਹਾਉਂਦੀ ਹੈ
ਤੇ ਕਹਿ ਦਿੰਦੀ ਹੈ
ਜੋ ਮਨ ਵਿਚ ਆਉਂਦਾ ਹੈ
ਬਿਨਾ ਸੋਚੇ,ਬੇਧੜਕ
ਪਰ,,,


ਜਦੋਂ ਉਹ ਦੇਖਦੀ ਹੈ       
ਉਹਦੇ ਰੁੱਸਣ ਦਾ
ਉਹਦੇ ਹੰਝੂਆਂ ਦਾ
ਕੋਈ ਅਸਰ ਨਹੀਂ ਹੁੰਦਾ
ਤੁਹਾਡੇ ਤੇ
ਤਾਂ ਇਕਦਮ ਉਹ
ਰੁੱਸਣਾ ਛੱਡ ਦਿੰਦੀ ਹੈ
ਰੋਣਾ ਛੱਡ ਦਿੰਦੀ ਹੈ
ਹੱਸ ਕੇ ਦੇਣ ਲੱਗਦੀ ਹੈ
ਜਵਾਬ ਤੁਹਾਡੀ ਹਰ ਗੱਲ ਦਾ
ਸਮੇਟ ਲੈਂਦੀ ਹੈ
ਖ਼ੁਦ ਨੂੰ


ਤੇ ਤੁਸੀਂ ਸਮਝ ਲੈਂਦੇ ਹੋ
ਕਿ ਸਭ ਠੀਕ ਹੋ ਗਿਆ
ਤੁਸੀਂ ਜਾਣ ਹੀ ਨਹੀਂ ਪਾਉਂਦੇ ਕਿ
ਉਹ ਸ਼ਾਂਤ ਨਹੀਂ
ਮੁਰਦਾ ਹੋ ਚੁੱਕੀ ਹੈ
ਕਿਤੇ ਨਾ ਕਿਤੇ
ਗਲਾ ਘੁੱਟਲਿਆ ਹੈ
ਉਸਨੇ ਆਪਣੀਆਂ ਭਾਵਨਾਵਾਂ ਦਾ
ਹੁਣ ਉਹ ਤੁਹਾਡੇ ਕੋਲ ਤਾਂ ਹੈ
ਪਰ ਤੁਹਾਡੀ ਨਾਂ ਹੋ ਕੇ


ਕਿਉਂਕਿ
ਔਰਤ ਸਿਰਫ ਓਦੋਂ ਤੱਕ
ਤੁਹਾਡੀ ਹੁੰਦੀ ਹੈ ਜਦੋਂ
ਜਦੋਂ ਤੱਕ........


ਗੁਰਪ੍ਰੀਤ...

Have something to say? Post your comment