FOLLOW US ON

Poem

ਬਦਲੀ ਰੁੱਤ //ਹਰਦੇਵ

March 08, 2018 10:42 AM
General

 ਬਦਲੀ ਰੁੱਤ

ਲੰਘ ਚੱਲਿਆ ਸਿਆਲ,
ਰੁੱਤ ਗ਼ਰਮੀ ਦੀ ਆਈ।
ਕਰਿਆ ਹੀਟਰਾਂ ਨੂੰ ਬੰਦ,
ਵਾਰੀ ਕੂਲਰਾਂ ਦੀ ਆਈ£

ਸਾਂਭੇ ਗਦੈਲੇ ਤੇ ਰਜਾਈਆਂ,
ਕੱਢੇ ਲਏ ਖੇਸ ਦਰੀਆਂ।
ਸੂਟ ਪਾਏ ਪਤਲੇ ਪਤੰਗ,
ਸਾਂਭ ਦਿੱਤੇ ਕੋਟ ਕੋਟੀਆਂ£

ਦਿੱਤਾ ਪਸ਼ੂਆਂ ਨੂੰ ਮੁਨਾਅ,
ਲਏ ਛੱਪੜਾਂ ਤੇ ਛੱਡ।
ਕਿੱਲੇ ਅੰਦਰਾਂ 'ਚੋਂ ਪੁੱਟ,
ਦਿੱਤੇ ਛੱਪਰਾਂ 'ਚ ਗੱਡ£

ਗਏ ਸਰੋ•ਂਵਾ ਤੋਂ ਫੁੱਲ,
ਕਣਕਾਂ ਜੋਬਨ ਤੇ ਆਈਆਂ।
ਹੋਏ ਖਾਲੀ ਜਵੀਆਂ ਦੇ ਵੱਢ,
ਮੱਕ ਦੀਆਂ ਬਿਜਾਈਆਂ ਕਰੀਆਂ£

ਮੁੱਕੇ ਪਾਲਕ ਤੇ ਮੇਥੇ,
ਬੀਜੇ ਟਿੰਡੇ ਤੋਰੀਆਂ।
ਵੰਗੇ ਖ਼ੀਰਿਆਂ ਦੀ ਰੁੱਤ,
ਮੁੱਕ ਗਈਆਂ ਮੂਲੀਆਂ£

ਝੜੇ ਬੇਰੀਆਂ ਤੋਂ ਬੇਰ,
ਆਉਣੇ ਜਾਮਨਾਂ ਨੂੰ ਬੂਰ।
ਅਚਾਰ ਨਿੰਬੂਆਂ ਦੇ ਪੈਣੇ,
ਲੈਣਾ ਅੰਬੀਆਂ ਨੂੰ ਚੂਪ£

ਯਾਦ ਆਉਣਗੇ ਸਿਆਲ,
ਜਦੋਂ ਲੋਆਂ ਵਗੀਆਂ।
ਮੁਸ਼ਕ ਸਰੀਰ ਵਿੱਚੋਂ ਮਾਰੂ,
ਕੱਛਾਂ 'ਚੋਂ ਤਰੇਲਾਂ ਚੱਲੀਆਂ£


ਹਰਦੇਵ
ਪਿੰਡ ਰਾਮਗੜ ਚੂੰਘਾਂ
ਜਿਲਾ ਸ੍ਰੀ ਮੁਕਤਸਰ ਸਾਹਿਬ

Have something to say? Post your comment