Poem

ਪ੍ਰਦੇਸ....ਲਿਖ਼ਤੁਮ-ਸਤਨਾਮ ਸਿੰਘ ਕੈਂਥ

March 08, 2018 11:01 AM
General

ਪ੍ਰਦੇਸ
ਬੇਗਾਨਾ ਵਤਨ
ਜਿਸਦੀ ਵੱਖਰੀ ਦਿੱਖ
ਵੱਖਰੀਆਂ ਮੂਰਤਾਂ
ਤੇ ਵੱਖਰਾ ਹੀ
ਪਹਿਰਾਵਾ
ਹਾਂ !
ਇੱਕਾ ਦੁੱਕਾ
ਸਾਂਝ
ਸਾਡੇ ਅਤੇ ਪ੍ਰਦੇਸੀਆਂ
ਵਿਚਕਾਰ
ਸ਼ਇਦ !
ਉਹ ਸਾਂਝ
ਭਾਵਨਾਵਾਂ ਦੀ
ਮਾਂ ਦੇ
ਪੁੱਤਰ ਨਾਲੋਂ
ਵਿਛੜਨ ਦੀਆਂ
ਭਾਵਨਾਵਾਂ
ਆਪੋ ਆਪਣੀ
ਮਿੱਟੀ ਦੀ
ਖੂਸ਼ਬੋ ਨਾਲ ਜੁੜੀਆਂ
ਭਾਵਨਾਵਾਂ।

ਵਤਨ
ਜਿਸਦੀ ਸੋਚ
ਕੁਝ ਅਗਾਂਹਵਧੂ
ਜਿੱਥੇ ਪਸਰਿਆ 
ਵਿਗਿਆਨਕ ਦ੍ਰਿਸ਼ਟੀਕੋਣ
ਵਹਿਮਾਂ ਭਰਮਾਂ ਤੋਂ
ਉਪਰਾਮ
ਜਿੱਥੇ
ਸਿਰਫ਼ ਤੇ ਸਿਰਫ਼
ਇੱਕ ਹੀ
ਮਜ਼੍ਹਬ
ਜਿਸ ਵਿੱਚ
ਸਾਰਿਆਂ ਦੀ ਆਸਥਾ
ਹਾਂ!
ਉਹ ਮਜ਼੍ਹਬ ਹੈ
ਕੰਮ
ਨਾ ਛੋਟਾ
ਨਾ ਹੀ ਵੱਡਾ
ਸਗੋਂ
ਸਾਰਿਆਂ ਨੂੰ
ਆਪਸ ਵਿੱਚ
ਜੋੜ ਦੇਣ ਵਾਲਾ।

ਅਜਿਹਾ ਵਤਨ
ਜਿੱਥੇ
ਸਵੱਛ ਭਾਰਤ,
ਬੇਟੀ ਬਚਾਓ, ਬੇਟੀ ਪੜ੍ਹਾਓ
ਜਿਹੇ ਨਾਹਰਿਆਂ ਨੂੰ
ਬੁਲੰਦ ਕਰਨ ਦੀ
ਲੋਚਾ
ਮਹਿਸੂਸ ਨਹੀਂ ਹੁੰਦੀ
ਸਗੋਂ
ਸਭ ਵਾਪਰਦਾ ਹੈ
ਅੰਤਰਮੁਖੀ
ਨਾਹਰਿਆਂ ਦੇ ਨਾਲ।

ਹਾਂ!
ਹੈ ਤਾਂ ਪ੍ਰਦੇਸ
ਜੋ ਆਪਣਾ ਨਹੀਂ
ਸਗੋਂ
ਸੱਚਮੁੱਚ ਬੇਗਾਨਾ
ਪਰ 
ਅਸਲੋਂ ਬੇਗਾਨਗੀ
ਕਿੱਥੇ ?
ਸ਼ਇਦ ! ਉੱਥੇ
ਜਿੱਥੋਂ
ਕਾਗਜ਼ ਦੇ ਟੁਕੜਿਆਂ
ਲਈ
ਛੱਡਣਾ ਪੈਂਦਾ ਹੈ
ਆਪਣਾ ਹੀ
ਦੇਸ਼।

ਲਿਖ਼ਤੁਮ-ਸਤਨਾਮ ਸਿੰਘ ਕੈਂਥ
ਲੈਕ. ਪੰਜਾਬੀ
9988047124

Have something to say? Post your comment