FOLLOW US ON

Poem

ਹਾਇਕੂ/ ਮਹਿੰਦਰ ਸਿੰਘ ਮਾਨ

March 08, 2018 11:11 AM
General

ਲੋਕਾਂ ਖਾਤਰ
ਜਾਨ ਵਾਰਨ ਵਾਲੇ
ਕਿੱਥੋਂ ਲੱਭੀਏ।
***
ਜੇ ਜਾਗ ਪਏ
ਜ਼ਮੀਨਾਂ ਦੇ ਮਾਲਕ
ਕਿੱਥੇ ਭੱਜੇਂਗਾ?
***
ਕਾਦ੍ਹਾ ਲੀਡਰ
ਜੋ ਲੋਕਾਂ ਨੂੰ ਲੁੱਟੇ
ਮੀਸਣਾ ਬਣ।
***
ਜੜ੍ਹੋਂ ਪੁੱਟ ਕੇ
ਵਹਿਮਾਂ ਭਰਮਾਂ ਨੂੰ
ਕਰੋ ਕਮਾਲਾਂ{
***
ਰੋਕਾਂ ਦਿਲ ਨੂੰ
ਜਿਸ ਪਾਸੇ ਜਾਣ ਤੋਂ
ਰੁਕਦਾ ਨਹੀਂ।
***
'ਕੱਤੀ ਮਾਰਚ
ਸ਼ਰਾਬੀਆਂ ਵਾਸਤੇ
ਸ਼ੁਭ ਦਿਹਾੜਾ।
***
ਅਣਗਿਣਤ
ਨੌਜਵਾਨ ਖਾ ਗਿਆ
ਨਸ਼ੇ ਦਾ ਘੁਣ।
***
ਲ਼ੁੱਟਣ ਬਾਬੇ
ਧਰਮ ਦੇ ਨਾਂ ਉੱਤੇ
ਭੋਲੇ ਲੋਕਾਂ ਨੂੰ।
***
ਵੰਡਿਆ ਪੁੱਤਾਂ
ਬਾਪੂ ਦੀ ਜ਼ਮੀਨ ਨੂੰ
ਲੜ ਲੜ ਕੇ।
***
ਵੱਢ ਕੇ ਰੁੱਖ
ਕਰਕੇ ਥਾਵਾਂ ਖਾਲੀ
ਛਾਵਾਂ ਨਾ ਭਾਲੋ।
***
ਮੀਂਹ ਹਮੇਸ਼ਾ
ਲਾਹੇਵੰਦ ਨ੍ਹੀ ਹੁੰਦਾ
ਫਸਲਾਂ ਲਈ।
***
ਮਾਤਾ-ਪਿਤਾ ਨੂੰ
ਸੰਭਾਲਣ ਕੁੜੀਆਂ
ਲੈਣ ਅਸੀਸਾਂ।

Have something to say? Post your comment