19

October 2018
Poem

ਕਵਿਤਾ " ਧੀਆਂ ਦੇ ਦਰਦ " ਹਾਕਮ ਸਿੰਘ ਮੀਤ ਬੌਂਦਲੀ

May 05, 2018 06:08 PM

ਕਵਿਤਾ " ਧੀਆਂ ਦੇ ਦਰਦ " 

ਮੈਂ ਲਿਖਣ ਲੱਗਦਾ ਧੀਆਂ ਦੇ ਦਰਦਾਂ ਨੂੰ ,
ਮੇਰੀ ਕਲਮ ਵੀ ਰੋਂਣ ਲੱਗ ਜਾਂਦੀ ਏ !!!

ਜ਼ਬਾਨ ਵਿਚੋਂ ਦਰਦ ਬਿਆਨ ਹੁੰਦਾ ਨਾਂ ,
ਬੁੱਲਾਂ ਨੂੰ ਕੰਬਣੀ ਜਿਹੀ ਛਿੜ ਜਾਂਦੀ ਏ !

ਦਰਦ ਸੁਣਕੇ ਪਹਿਲਾਂ ਮਨ ਭਰ ਜਾਂਦਾ ਏ ,
ਅੱਖਾਂ ਵਿਚੋਂ ਹੰਝੂ ਸਾਉਂਣ ਬਣ ਗਿਰਦੇ ਆ !

ਮੇਰੀ ਕਲਮ ਸਭ ਕੁੱਝ ਲਿਖਣਾ ਚਾਹੁੰਦੀ ਏ ,
ਪਰ ਧੀਆਂ ਦੇ ਦਰਦਾਂ ਅੱਗੇ ਹਾਰ ਜਾਂਦੀ ਏ !!

ਧੀਆਂ ਦੇ ਦਰਦਾਂ ਦਾ ਜ਼ੁਮੇਵਾਰ ਸਮਾਜ ਏ ,
ਜਿਹਡ਼ਾ ਦਹੇਜ ਪੑਥਾਂ ਦਾ ਦਿੰਦਾ ਸਾਥ ਏ !

ਬਹੁਤ ਸਾਰੀਆਂ ਧੀਆਂ ਜੱਗ ਦੇਖਿਆ ਨੀ ,
ਗਰਭ ਵਿਚ ਧੀਆਂ ਮਾਰੀਆਂ ਜਾਦੀਆਂ ਨੇ !

ਬਹੁਤ ਸਾਰੀਆਂ ਧੀਆਂ ਤਾਂ ਛੋਟੀ ਉਮਰੇ ਨੀ ,
ਬੁੱਢਿਆਂ ਨਾਲ ਹੀ ਵਿਆਹੀਆਂ ਜਾਦੀਆਂ ਨੇ !

ਇੱਥੇ ਧੀਆਂ ਦੇ ਹੱਕ ਵਿੱਚ ਕਦੇ ਬੋਲਦੇ ਨਹੀਂ ,
ਇੱਥੇ ਲਾਲਚ ਨੂੰ ਲੋਕ ਕਦੇ ਵੀ ਛੱਡਦੇ ਨਹੀਂ !

ਮੈਂਹਦੀ ਦਾ ਰੰਗ ਹੱਥਾਂ ਤੋਂ ਫਿੱਕਾ ਹੋਇਆ ਨਾਂ ,
ਦਾਜ ਦੀ ਬਲੀ ਤੋਂ ਕਦੇ ਵੀ ਬਚ ਦੀਆਂ ਨਾਂ !

"ਹਾਕਮ ਮੀਤ" ਦੀ ਕਲਮ ਪੱਖ ਕਰਦੀ ਨਾਂ ,
ਧੀਆਂ ਆਪਣਾ ਦੁੱਖ ਕਦੇ ਵੀ ਦੱਸਦੀਆਂ ਨਾਂ !

              ਹਾਕਮ ਸਿੰਘ ਮੀਤ ਬੌਂਦਲੀ
                ( ਮੰਡੀ ਗੋਬਿੰਦਗਡ਼੍ਹ )

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech