FOLLOW US ON

Poem

ਪਾਣੀ ਵੀ ਹੁਣ ਪਾਣੀ ਮੰਗੇ //ਹਰਦੀਪ ਬਿਰਦੀ

June 07, 2018 03:54 PM

ਪਾਣੀ ਵੀ ਹੁਣ ਪਾਣੀ ਮੰਗੇ
ਹੱਦੋਂ ਵਧਕੇ ਗਰਮੀ ਹੋਈ।

ਮੁੜ੍ਹਕਾ ਐਨਾ ਆਵੇ ਹੁਣ ਤਾਂ
ਲੱਗੇ ਜਾਂਦਾ ਛੱਪਰ ਚੋਈ।

ਹਾਲਤ ਇਨਸਾਨਾਂ ਦੀ ਤੱਕ ਕੇ
ਅੰਬਰ ਦੀ ਵੀ ਅੱਖ ਨਾ ਰੋਈ।

ਜਿਸਦੇ ਕੋਲੇ ਸਾਧਨ ਸਾਰੇ
ਗਰਮੀ ਕੋਲੋਂ ਬਚਿਆ ਸੋਈ।

ਜਾਦੂ ਵਾਲੀ ਠੰਢਕ ਖ਼ਾਤਿਰ
ਏ.ਸੀ. ਕੂਲਰ ਜਾਂਦੇ ਢੋਈ।

ਕਹਿਰ ਖੁਦਾ ਦਾ ਐਸਾ ਹੈ ਇਹ
ਕਿੱਦਾਂ ਮੱਦਦ ਕਰਦਾ ਕੋਈ।

ਗਰਮੀ ਹੋਈ ਹਰ ਥਾਂ ਕਾਬਜ਼
ਠੰਢਕ ਜਾਪੇ ਜਿੱਦਾਂ ਖੋਈ।

ਭਾਵੇਂ ਸਾਹ ਨੇ ਸਭਦੇ ਚਲਦੇ
ਜਾਪੇ ਹਰ ਇੱਕ ਦੇਹ ਹੀ ਮੋਈ।

ਮੌਸਮ ਅੰਦਰ ਠੰਢਕ ਭਰਦੇ
ਕਰਦਾ ਦਾਤੇ ਨੂੰ ਅਰਜੋਈ।

ਹਰਦੀਪ ਬਿਰਦੀ
9041600900

Have something to say? Post your comment