18

October 2018
Poem

ਕਵਿਤਾ (ਸੁਣ ਨੀ ਪਾਉਣੇ ਬਾਵਰੀਏ..) ਕਰਮ

June 07, 2018 03:56 PM
ਕਰਮ

ਧਰਤੀ ਉੱਤੇ ਪੈਰ ਧਰੇ ਨਾ ਸੁਣ ਨੀ ਪਾਉਣੇ ਬਾਵਰੀਏ
ਕਦੇ ਕਦੇ ਤਾਂ ਹੋ ਜਾਇਆ ਕਰ ਸੱਜਣਾ ਵਾਲੇ ਰਾਹਾਂ ਨੂੰ...

ਮਹਿਕਾਂ ਦੀ ਦੀਵਾਨੀ ਵੰਡਦੀ ਖੁਸ਼ੀਆਂ ਫਿਰਦੀ ਫੁੱਲਾਂ ਨੂੰ..
ਕਦੇ ਕਦੇ ਤਾ ਸੁਣ ਜਾਇਆ ਕਰ ਠੰਡੀਆਂ ਠੰਢੀਆਂ ਆਹਾਂ ਨੂੰ...

ਰਾਤਾਂ ਦੇ ਸੰਨਾਟੇ ਅੰਦਰ ਛੁਪ ਕੇ ਬੈਠੇ ਲਫਜ ਕਈ,
ਟੋਲ ਰਹੇ ਜੋ ਦਿਲ ਦੇ ਕੋਨੇ ਸਹਿਕ ਰਹੇ ਕੁਝ ਸਾਹਾ ਨੂੰ..

ਪੱਤਿਆਂ ਕੋਲੋ ਰੁੱਖ ਪੁੱਛਦੇ ਨੇ ਪੁੱਛਣ ਸੂਰਜ ਧੁੱਪਾਂ ਨੂੰ
ਕਦ ਆਉਣਾ ਏ ਸੱਜਣਾ ਸਾਡੇ ਵਿਸਰੇ ਹੋਏ ਰਾਹਾਂ ਨੂੰ..

ਮੋਹ ਦੀਆਂ ਤੰਦਾਂ ਟੁੱਟ ਨਾ ਜਾਵਣ ਇਹੀਓ ਝੋਰਾ ਖਾਂਦਾ ਏ
ਤਾ ਹੀ ਹੰਜੂ  ਦਿਖਣ ਨੀ ਦਿੰਦੇ ਪਾਲਕਾਂ ਓਹਲੇ ਧਾਹਾਂ ਨੂੰ..

ਧਰਤੀ ਉੱਤੇ ਪੈਰ ਧਰੇ ਨਾ ਸੁਣ ਨੀ ਪਾਉਣੇ ਬਾਵਰੀਏ
ਕਦੇ ਕਦੇ ਤਾਂ ਹੋ ਜਾਇਆ ਕਰ ਸੱਜਣਾ ਵਾਲੇ ਰਾਹਾਂ ਨੂੰ...

ਮਹਿਕਾਂ ਦੀ ਦੀਵਾਨੀ ਵੰਡਦੀ ਖੁਸ਼ੀਆਂ ਫਿਰਦੀ ਫੁੱਲਾਂ ਨੂੰ..
ਕਦੇ ਕਦੇ ਤਾ ਸੁਣ ਜਾਇਆ ਕਰ ਠੰਡੀਆਂ ਠੰਢੀਆਂ ਆਹਾਂ ਨੂੰ...    
           ਕਰਮ

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech