Poem

“ਹਾੲਿ ਚਿੱਟਾ“//ਜਸਵੀਰ ਸ਼ਰਮਾ ਦੱਦਾਹੂਰ

July 06, 2018 05:49 PM
General

“ਹਾੲਿ ਚਿੱਟਾ“

ਜਾਨ  ਤੋਂ  ਹੱਥ ਹੀ  ਧੋਂ ਦੇ,
ਨਾ ਟੁੱਟੇ ਗੋਡੇ ਗਿੱਟੇ ਦੀਆਂ!
ਕੈਪਟਨ ਸਾਹਿਬ ਦੇ ਰਾਜ ਚ,
ਗੱਲਾਂ   ਹੋਵਣ   ਚਿੱਟੇ ਦੀਆਂ!

ਗੁੱਟਕਾ ਸਾਹਿਬ ਮੱਥੇ ਨਾਲ ਲਾਕੇ,
ਸੀ  ਸਹੁੰ   ਖਾਧੀ   ਗੁਰਬਾਣੀ  ਦੀ!
ਪਰ   ਹੁਣ  ਸੁਲਝਾੲੀ  ਜਾਂਦੀ  ਨਾ,
ਗੲੀ  ੳੁੱਲਝ  ਜੋ   ਤਾਣੀ  ਜੀ!
ਲਸਰਾਂ ਬਣਦੀਆਂ ਜਾਣ ਜੋ,
ਬੀਜੀਆਂ ਫਸਲਾਂ ਛਿੱਟੇ ਦੀਆਂ,,,ਕੈਪਟਨ,,,,

ਵੱਡੇ ਦਾਅਵੇ ਕੀਤੇ ਸੀ ਜੋ,
ਹੁਣ ਕਿੳੁਂ ਨਿਭਾੳੁਂਦੇ ਨਹੀਂ!
ਸਮਗਲਰ ਐਸੇ ਪਾਲੇ,
ਜੋ ਹੁਣ ਕਾਬੂ ਆੳੁਂਦੇ ਨਹੀਂ!
ਲੈਕੇ ਬਹਿਗੀਆਂ ਕਸਮਾਂ,
ਝੂਠੀ ਸਹੁੰ ਦੇ ਸਿੱਟੇ ਦੀਆਂ,,,,,ਕੈਪਟਨ,,,

ੲਿਸ ਚਿੱਟੇ ਨਾਲ ਘਰ ੨ ਦੇ ਵਿਚ,
ਸੱਥਰ   ਵਿਛ  ਗੲੇ   ਨੇ!
ਹੁਣ  ਕਦੇ ਬਿਆਨ ਨਾ ਆੲਿਆ,
ਤੁਹਾਡੇ ਬੁਲ• ਹੀ ਸਿਲ ਗੲੇ ਨੇ!
ਕੀ ਕਰਨਗੀਆਂ ਪੁੜੀਆਂ,
ਦਿਤੇ ਪੈਗਾਮ ਜੋ ਮਿੱਠੇ ਦੀਆਂ,,,,,ਕੈਪਟਨ,,,,,

ਦਿਨੋ ਦਿਨ ਤਰਸਯੋਗ ਹਾਲਾਤ,
ਪੰਜਾਬ  ਦੇ  ਹੋੲੀ  ਜਾਂਦੇ  ਨੇ!
ਪੰਜਾਬ ਵਾਸੀ ਤਾਂ ਮਾਰ,
ਦੁਹੱਥੜ   ਰੋੲੀ   ਜਾਂਦੇ ਨੇ!
ਕੋੲੀ ਲਾਭ ਨਹੀਂ ਸੱਪ ਲੰਘੇ ਤੋਂ,
ਲੀਹ  ਨੂੰ  ਪਿੱਟੇ ਦੀਆਂ,,,,,ਕੈਪਟਨ,,,,,,

ਸਮਾਂ ਰਹਿੰਦਿਆਂ ਬਚਾ ਲਵੋ,
ਹੁੰਦੀ ਪੰਜਾਬ ਦੀ ਹਾਨੀ ਨੂੰ!
ਬਰਦਾਸ਼ਤ ਕਰਨਾ ਔਖਾ ਹੈ,
ਜੀ ਤੁਹਾਡੀ ਮਨਮਾਨੀ ਨੂੰ!
ਦੱਦਾਹੂਰੀੲੇ ਗੱਲਾਂ ਕੀਤੀਆਂ,
ਸੱਭ ਕੁੱਝ ਅੱਖੀਂ ਡਿੱਠੇ ਦੀਆਂ,,,,,ਕੈਪਟਨ,,,,

ਜਸਵੀਰ ਸ਼ਰਮਾ ਦੱਦਾਹੂਰ
ਸ਼੍ਰੀ ਮੁਕਤਸਰ ਸਾਹਿਬ

Have something to say? Post your comment