Poem

ਫਰਕ//ਪ੍ਰਿੰਸ ਅਰੋੜਾ

July 08, 2018 07:05 PM
General

ਫਰਕ

ਸੱਤਰ ਸਾਲ ਦੀ ਹੋਈ ਆਜਾਦੀ,
ਸਾਡੇ ਲਈ ਨਾ ਕੋਈ ਸਕੀਮਾਂ ਨੇ।
ਗਰੀਬੀ ਵਿੱਚ ਬਚਪਨ ਬੀਤ ਰਿਹਾ,
 ਕਿਉਂ ਵਾਂਗ ਇੱਥੇ ਯਤੀਮਾਂ ਦੇ?

ਆਕਸਫੋਰਡ ਅਤੇ ਕੈਂਬਰਿਜ ਵਿੱਚ,
ਫਰਜੰਦ ਤੁਹਾਡੇ ਨੇ ਪੜ੍ਹਦੇ।
ਦੋ ਡੰਗ ਦੀ ਰੋਟੀ ਦੇ ਲਈ,
ਕਿਉਂ ਚੰਮ ਸਾਡੇ ਨੇ ਸੜਦੇ।

ਛੋਟੇ ਛੋਟੇ ਸਪਨੇ ਵੀ ਸਾਡੇ,
ਅਧੂਰੇ ਕਿਉਂ ਨੇ ਰਹਿੰਦੇ?
ਤੁਹਾਡੇ ਵਿਹਲੇ ਪੁੱਤਰ ਵੀ,
ਕਿਵੇਂ ਸਹੂਲਤਾਂ ਸਾਰੀਆਂ ਲੈਂਦੇ?

ਸਾਡੀ ਸਿਹਤ ਅਤੇ ਸਿੱਖਿਆ ਦਾ,
ਹੋਇਆ ਬਹੁਤ ਬੁਰਾ ਹੈ ਹਾਲ।
ਸਵਿਸ ਬੈਂਕਾਂ ਦੇ ਖਾਤੇ ਤੁਹਾਡੇ,
 ਦੇਸ਼ ਨੂੰ ਕਰ ਗਏ ਕੰਗਾਲ।

ਸਾਡੇ ਹਿੱਸੇ ਵਾਲੀ ਦੱਸ ਦੋ,
ਕਿੱਥੇ ਹੈ ਆਜਾਦੀ?
ਪਹਿਲਾਂ ਗੋਰੇ ਤੇ ਹੁਣ ਕਾਲੇ,
ਕਰ ਰਹੇ ਦੇਸ਼ ਦੀ ਬਰਬਾਦੀ।

ਪ੍ਰਿੰਸ ਅਰੋੜਾ
ਮਲੌਦ ਲੁਧਿਆਣਾ

Have something to say? Post your comment