19

July 2018
ਏਸ਼ੀਆਈ ਖੇਡਾਂ ਲਈ ਭਾਰਤੀ ਸਾਈਕਲਿੰਗ ਟੀਮ ਦਾ ਐਲਾਨ ਜਿਲ੍ਹਾ ਸਿੱਖਿਆ ਅਫਸਰ ਨੇ ਮੈਡਮ ਦਲਜੀਤ ਕੌਰ ਨੂੰ ਕੀਤਾ ਸਨਮਾਨਿਤਨੀਂਦ ਨਾ ਆਉਣਾ, ਸਟਰਿਸ, ਬਲੱਡ ਸ਼ੂਗਰ, ਬਲੱਡ ਪ੍ਰੈਸ਼ਰ ਪ੍ਰੇਸ਼ਾਨ ਰੋਗੀਆਂ ਲਈ ਸਾਵਧਾਨੀਆਂ //ਸਤਵਿੰਦਰ ਕੌਰ ਸੱਤੀ-(ਕੈਲਗਰੀ)- ਕੈਨੇਡਾ"ਭਗਤ ਪੂਰਨ ਸਿੰਘ" ਗੀਤ ਦਾ ਪੋਸਟਰ ਡਾ: ਇੰਦਰਜੀਤ ਕੌਰ ਪਿੰਗਲਵਾੜਾ ਵੱਲੋਂ ਲੋਕ ਅਰਪਣ ਲੇਖਿਕਾ ਡਾ. ਸੁਖਵੀਰ ਕੌਰ ਸਰਾਂ ਦੇ ਪਲੇਠੇ ਕਾਵਿ-ਸੰਗ੍ਰਹਿ “ਦੇਖਣਾ ਹੈ ਚੰਨ“ 'ਤੇਗਾਇਕੀ ਅਤੇ ਗੀਤਕਾਰੀ ਦਾ ਠਾਠਾਂ ਮਾਰਦਾ ਧੜੱਲੇਦਾਰ ਦਰਿਆ-- ਹਾਕਮ ਬਖਤੜੀ ਵਾਲਾ ਬੱਚਿਆਂ ਦਾ ਡੇਗੂ ਤੌ ਰੱਖੌ ਬਚਾਅ–ਡਾਂ ਰੰਧਾਵਾ।ਬਾਦਲ ਪਰਿਵਾਰ ਦੀ ਭਾਜਪਾ ਪ੍ਰਤੀ ਵਫਾਦਾਰੀ ਕੌਂਮੀ ਗੈਰਤ ਦਾ ਘਾਣਅਬਾਦੀ ਨੂੰ ਕੰਟਰੋਲ ਕਰਨਾ ਅੱਜ ਦੀ ਪੀੜੀ ਦੀ ਚੁਣੌਤੀ-: ਸਪੀਕਰ ਰਾਣਾ ਕੰਵਰਪਾਲ ਸਿੰਘ।ਬੜੇ ਔਖੇ ਪੁੱਤ ਤੋਰਨੇ....-ਬੇਅੰਤ ਕੌਰ ਗਿੱਲ ਮੋਗਾ
Article

ਘਰ ਦੀ ਇੱਜ਼ਤ / ਮਿੰਨੀ ਕਹਾਣੀ //ਮਹਿੰਦਰ ਸਿੰਘ ਮਾਨ

July 10, 2018 05:10 PM
ਮਹਿੰਦਰ ਸਿੰਘ ਮਾਨ

ਘਰ ਦੀ ਇੱਜ਼ਤ
 ਸੁਖਵਿੰਦਰ ਨੂੰ ਸਹੁਰੇ ਘਰ ਆਈ ਨੂੰ ਇਕ ਮਹੀਨਾ ਹੋ ਗਿਆ ਸੀ। ਉਸ ਦੀ ਨਨਾਣ ਦੀ ਉਮਰ ਬਾਈ ਸਾਲ ਦੀ ਹੋ ਗਈ ਸੀ।ਉਸ ਦੇ ਰਿਸ਼ਤੇ ਦੀ ਕਈ ਪਾਸੇ ਗੱਲ ਚੱਲੀ।ਪਰ ਹਰ ਪਾਸੇ ਦਾਜ ਦੀ ਮੰਗ ਕਰਕੇ ਕੋਈ ਰਿਸ਼ਤਾ ਸਿਰੇ ਨਹੀਂ ਸੀ ਚੜ੍ਹ ਰਿਹਾ। ਉਸ ਦੇ ਸਹੁਰੇ ਦਾਜ ਦੇਣ ਦੇ ਸਮਰੱਥ ਨਹੀਂ ਸਨ।ਅੱਜ ਫਿਰ ਉਸ ਦੀ ਨਨਾਣ ਨੂੰ ਰਿਸ਼ਤਾ ਆਇਆ ਸੀ।ਇਸ ਵਿੱਚ ਵੀ ਦਾਜ ਦੇਣ ਦੀ ਮੰਗ ਸੀ।ਸੁਖਵਿੰਦਰ ਦੀ ਸੱਸ ਨੇ ਉਸ ਦੇ ਅੱਗੇ ਦਾਜ ਸਬੰਧੀ ਗੱਲ ਬਾਤ ਕੀਤੀ।ਸੁਖਵਿੰਦਰ ਨੇ ਆਖਿਆ, "ਮੰਮੀ ਜੀ, ਹੁਣ ਇਹ ਘਰ ਮੇਰਾ ਆ। ਇਸ ਘਰ ਦੀ ਇੱਜ਼ਤ, ਮੇਰੀ ਇੱਜ਼ਤ ਆ।ਮੇਰੇ ਘਰਦਿਆਂ ਨੇ ਜਿਹੜਾ ਦਾਜ ਮੈਨੂੰ ਦਿੱਤਾ ਆ, ਉਸ 'ਚੋਂ ਜਿਹੜੀਆਂ ਮਰਜ਼ੀ ਚੀਜ਼ਾਂ ਤੁਸੀਂ ਮੇਰੀ ਨਨਾਣ ਨੂੰ ਦੇ ਦਿਉ।ਮੈਂ ਤਾਂ ਹਾਲੇ ਉਨ੍ਹਾਂ ਚੋਂ ਕੋਈ ਵੀ ਚੀਜ਼ ਨਹੀਂ ਵਰਤੀ। ਮੈਨੂੰ ਕੋਈ ਇਤਰਾਜ਼ ਨਹੀਂ ।ਬਾਅਦ 'ਚ ਅਸੀਂ ਦੋਵੇਂ ਤੀਵੀਂ, ਆਦਮੀ ਮਿਹਨਤ ਕਰਕੇ ਜਿਸ ਚੀਜ਼ ਦੀ ਲੋੜ ਹੋਈ, ਬਣਾ ਲਵਾਂਗੇ।"ਸੁਖਵਿੰਦਰ ਦੀਆਂ ਇਹ ਗੱਲਾਂ ਸੁਣ ਕੇ ਉਸ ਦੀ ਸੱਸ ਦਾ ਸਾਹ ਵਿੱਚ ਸਾਹ ਆਇਆ ਤੇ ਉਸ ਨੂੰ ਆਖਣ ਲੱਗੀ, "ਰੱਬ ਤੇਰੇ ਵਰਗੀਆਂ ਨੂੰਹਾਂ ਸੱਭ ਨੂੰ ਦੇਵੇ।ਮੈਂ ਇਸ ਕਰਕੇ ਬੜੀ ਸ਼ਰਮਿੰਦੀ ਹਾਂ ਕਿ ਮੈਂ ਤੇਰੇ ਘਰਦਿਆਂ ਤੋਂ ਮੰਗ ਕੇ ਦਾਜ ਲਿਆ ਸੀ।ਹੋ ਸਕੇ, ਤਾਂ ਮੈਨੂੰ ਮਾਫ ਕਰ ਦਈਂ।"
"ਮੰਮੀ ਜੀ, ਜਿਹੜਾ ਸਮਾਂ ਲੰਘ ਗਿਆ, ਉਸ ਬਾਰੇ ਫਿਕਰ ਕਰਨ ਦੀ ਲੋੜ ਨਹੀਂ।ਮੈਂ ਤਾਂ ਤੁਹਾਨੂੰ ਇਸ ਘਰ 'ਚ ਪੈਰ ਪਾਣ ਤੋਂ ਪਹਿਲਾਂ ਹੀ ਮਾਫ ਕਰ ਦਿੱਤਾ ਸੀ।"ਸੁਖਵਿੰਦਰ ਦੀਆਂ ਇਹ ਗੱਲਾਂ ਸੁਣ ਕੇ ਉਸ ਦੀ ਸੱਸ ਨੇ ਉਸ ਨੂੰ ਘੁੱਟ ਕੇ ਸੀਨੇ ਨਾਲ ਲਾ ਲਿਆ।


 ਮਹਿੰਦਰ ਸਿੰਘ ਮਾਨ

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech