Thursday, April 25, 2019
FOLLOW US ON

Article

ਸੁਝਾਅ //ਨਿਰਮਲ ਕੌਰ ਕੋਟਲਾ

July 11, 2018 06:17 PM
General

ਸੁਝਾਅ

ਪੰਜ ਦਰਿਆਵਾਂ ਦੀ ਧਰਤੀ ਪੰਜਾਬ ਛੇਵੇ ਦਰਿਆ ਦੀ ਭੇਂਟ ਚੜ ਗਿਆ ਹੈ।ਨਿੱਤ ਬਲਦੇ ਸਿਵਿਆ ਨੇ ਘਰਾਂ ਦੇ ਚੁੱਲਿਆਂ ਦੀ ਅੱਗ ਬੁਝਾ ਦਿੱਤੀ ਹੈ।


ਅੱਜ ਦੀ ਜਵਾਨੀ ਨਸ਼ਿਆ ਦੀ ਦਲਦਲ 'ਚ ਖੁੱਬ ਕੇ ਆਪਣਾ ਭਵਿੱਖ ਦਾਅ ਤੇ ਲਾ ਰਹੀ ਹੈ।ਜਿੰਨਾ ਦੇ ਮੋਢਿਆ ਤੇ ਦੇਸ਼ ਦਾ ਭਵਿੱਖ ਸੀ ਉਹ ਖੁੱਦ ਟੀਕਿਆਂ ਦੇ ਮੁਥਾਜ ਹੋ ਗਏ ਹਨ। ਲਾਡਲੇ ਪੁੱਤ ਮਾਵਾਂ ਦੇ ਜਿੰਦਾ ਲਾਸ਼ਾਂ ਬਣ ਕੇ ਰਹਿ ਗਏ ਹਨ।ਕਦੇ ਝਿੰਜਾਂ ਭੰਗੜੇ ਲੁੱਡੀਆਂ ਦੀਆਂ ਗੂੰਜਾਂ ਪੈਂਦੀਆਂ ਸੀ ਰੰਗਲੇ ਪੰਜਾਬ ਵਿੱਚ ਅੱਜ ਹਰ ਤੀਸਰੇ ਘਰ ਚੋਂ ਕੀਰਨੀਆ ਦੀਆਂ ਦਿਲ ਚੀਰਵੀਂਆਂ ਅਵਾਜਾਂ ਰੂਹ ਨੂੰ ਝੰਜੋੜਦੀਆਂ ਹਨ।ਪੜ ਲਿਖ ਕੇ ਡਿਗਰੀਆਂ ਫੜੀ ਦਰ ਦਰ ਰੁਲਦੇ ਪੜਾਕੂ ਗੁੰਮਰਾਹ ਹੋ ਰਹੇ ਹਨ।ਸਕੂਲ ਕਾਲਜ ਜਿੱਥੇ ਘੱਟ ਰਹੇ ਉਥੇ ਨਸ਼ਾ ਛੁਡਾਉ ਕੇਂਦਰ ਵੱਧ ਰਹੇਹਨ। ਜੋ ਪ੍ਰਸ਼ਾਸ਼ਨ ਦੇਸ਼ ਦੀ ਰਾਖੀ ਲਈ ਤਾਇਨਾਤ ਹੋਣਾ ਸੀ ਉਹ ਆਪਣੇ ਹੀ ਦੇਸ਼ ਚ' ਆਪਣਿਆਂ ਨੂੰ ਹੀ ਮਾਰ ਮੁਕਾਉਣ ਤੇ ਤੁੱਲਿਆ ਹੋਇਆ ਹੈ।ਜਿੱਥੇ ਇਸ ਵਰਤਾਰੇ ਦੀ ਜੁੰਮੇਵਾਰ ਸਰਕਾਰਾਂ ਨੇ ਉੱਥੇ ਪ੍ਰਸ਼ਾਸ਼ਨ ਵੀ ਬਰਾਬਰ ਦਾ ਜੁੰਮੇਵਾਰ ਹੈ।ਨਸ਼ੇ ਪਰਮੋਟ ਕਰਨ 'ਚ ਮੀਡੀਆ ਵੀ ਪਿੱਛੇ ਨਹੀ ਰਿਹਾ।ਲੱਚਰ ਗਾਇਕੀ ਨੇ ਵੀ ਕੋਈ ਕਸਰ ਨਹੀ ਛੱਡੀ ।


ਮੈ ਇੱਕ ਸੁਝਾਅ ਜਰੂਰ ਦਿਆਗੀ ਕਿ ਸਰਕਾਰਾਂ ਨੂੰ ਪ੍ਰਪੱਕ ਤੋਰ ਤੇ ਨੌਜਵਾਨਾਂ ਨੂੰ ਰੁਜਗਾਰ ਮੁੱਹਈਆ ਕਰਵਾਉਣੇ ਚਾਹੀਦੇ ਹਨ।ਅਜਿਹੇ ਗੀਤ ਫਿਲਮਾਂ ਤਾ ਸਾਹਿਤ ਤੇ ਵੀ ਪਾਬੰਧੀ ਵੀ ਹੋਣੀ ਚਾਹੀਦੀ ਜੋ ਨਸ਼ਿਆ ਨੂੰ ਪ੍ਰਮੋਟ ਕਰਦੇ ਹੋਣ। ਸਰਾਬ ਦੇ ਠੇਕੇ ਬੰਦ ਹੋਣੇ ਚਾਹੀਦੇ ਹਨ ਤੇ ਵੱਧ ਤੋਂ ਵੱਧ ਸਕੂਲ ਕਾਲਜ ਖੋਹਲਣੇ ਚਾਹੀਦੇ ਹਨ। ਨੌਜਵਾਨ ਵੀਰਾਂ ਤੇ ਭੇਣਾ ਨੂੰ ਵੀ ਮੇਰਾ ਸੁਝਾਅ ਹੈ ਕਿ ਉਹ ਬਜਾਇ ਨਸ਼ੇ ਕਰਨ ਦੇ ਆਪਣੀ ਸੋਚ ਨੂੰ ਉਸਾਰੂ ਕੰਮਾਂ ਵਿੱਚ ਲਾਉਣਾ ।ਅਧਿਆਪਕ ਕਿੱਤੇ ਨਾਲ ਜੁੜੀ ਹੋਣ ਕਰਕੇ ਮੈ ਮਹਿਸੂਸ ਕੀਤਾ ਹੈ ਕਿ ਸਿਲੇਬਸ ਵਿੱਚ ਵੀ ਨਸ਼ਿਆ ਦੇ ਭੇੜੇ ਨਤੀਜੀਆਂ ਬਾਰੇ ਜਰੂਰ ਲਿਖਿਆ ਜਾਣਾ ਬਹੁਤ ਜਰੂਰੀ ਹੈ। ਮਾਪਿਆ ਨੂੰ ਵੀ ਆਪਣੇ ਬੱਚਿਆ ਨੂੰ ਬੁਰੀ ਸੰਗਤ ਤੋ ਰੋਕਣਾ ਚਾਹੀਦਾ ਹੈ।
ਅੰਤ ਵਿੱਚ ਮੈ ਇਹੀ ਕਹਾਗੀ ਕਿ ਨਸ਼ਾ ਉਹ ਕਰੋ ਜੋ ਕਦੇ ਨਾ ਉਤਰੇ
ਨਾਮ ਬਾਣੀ ਨਾਲ ਜੁੜੋ।

ਨਿਰਮਲ ਕੌਰ ਕੋਟਲਾ
ਪਿੰਡ ਕੋਟਲਾ ਮੱਝੇਵਾਲ

Have something to say? Post your comment