News

ਨਜਾਇਜ਼ ਕਬਜਿਆਂ ਖਿਲਾਫ ਨਗਰ ਕੌਂਸਲ ਹੋਈ ਸਖਤ।

July 12, 2018 04:53 PM
General

ਨਜਾਇਜ਼ ਕਬਜਿਆਂ ਖਿਲਾਫ ਨਗਰ ਕੌਂਸਲ ਹੋਈ ਸਖਤ।


ਸ੍ਰੀ ਅਨੰਦਪੁਰ ਸਾਹਿਬ, 12 ਜੁਲਾਈ(ਦਵਿੰਦਰਪਾਲ ਸਿੰਘ/ਅੰਕੁਸ਼): ਨਗਰ ਕੌਂਸਲ ਸ਼੍ਰੀ ਅਨੰਦਪੁਰ ਸਾਹਿਬ ਵਲੋਂ ਨਜਾਇਜ਼ ਕਬਜਿਆਂ ਖਿਲਾਫ ਸਖਤੀ ਕਰਨੀ ਸ਼ੁਰੂ ਕਰ ਦਿਤੀ ਗਈ ਹੈ। ਜਿੱਥੇ ਪਹਿਲਾਂ ਕੌਂਸਲ ਅਧਿਕਾਰੀਆਂ ਵਲੋਂ ਨਜਾਇਜ਼ ਕਬਜਿਆਂ ਖਿਲਾਫ ਦੁਕਾਨਦਾਰਾਂ ਨੂੰ ਚਿਤਾਵਨੀ ਦਿਤੀ ਗਈ ਸੀ ਉਥੇ ਅੱਜ ਕੌਂਸਲ ਅਧਿਕਾਰੀਆਂ ਵਲੋਂ ਪੁਲਿਸ ਨੂੰ ਨਾਲ ਲੈ ਕੇ ਨਜਾਇਜ਼ ਤੋਰ ਤੇ ਲਗਿਆ ਸਮਾਨ ਟਰਾਲੀ ਵਿਚ ਸੁੱਟਣ ਦੀ ਪ੍ਰਿਕ੍ਰਿਆ ਸ਼ੁਰੂ ਕੀਤੀ ਗਈ। ਮੁੱਖ ਬਜ਼ਾਰ, ਭਗਤ ਰਵਿਦਾਸ ਚੌਂਕ, ਕਲਗੀਧਰ ਮਾਰਕੀਟ, ਕਚਹਿਰੀ ਰੋਡ, ਨੈਣਾਂ ਦੇਵੀ ਰੋਡ ਦੇ ਬਾਹਰ ਲੱਗੇ ਸਮਾਨ ਨੂੰ ਜਬਤ ਕਰਨ ਦੀ ਕਾਰਵਾਈ ਕੀਤੀ ਗਈ। ਬਾਅਦ ਵਿਚ ਕੌਂਸਲ ਪ੍ਰਧਾਨ ਹਰਜੀਤ ਸਿੰਘ ਜੀਤਾ ਵਲੋਂ ਸਮਾਨ ਵਾਪਸ ਕਰ ਦਿਤਾ ਗਿਆ ਤੇ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਗਈ ਕਿ ਆਮ ਲੋਕਾਂ ਦੀ ਸਹੂਲਤ ਲਈ ਦੁਕਾਨਾਂ ਦੇ ਅੰਦਰ ਹੀ ਆਪਣਾ ਸਮਾਨ ਰੱਖਣ। ਉਨਾਂ ਕਿਹਾ ਕਿ ਅਸੀਂ ਆਮ ਲੋਕਾਂ ਨੂੰ ਸਹੂਲਤ ਮੁਹੱਈਆ ਕਰਵਾਉਣੀ ਚਾਹੁੰਦੇ ਹਾਂ ਜਿਸ ਲਈ ਸਾਰਿਆਂ ਦੇ ਸਹਿਯੋਗ ਦੀ ਲੋੜ ਹੈ। ਇਸ ਮੌਕੇ ਰਮੇਸ਼ਵਰ ਸੋਨੀ, ਪਰਮਜੀਤ ਸੋਨੂੰ, ਗੁਰਦੇਵ ਸਿੰਘ, ਅਮਰੀਕ ਚੰਦਰ ਬੇਦੀ, ਧਰਮਵੀਰ, ਪ੍ਰਿੰਸ, ਬੱਬੀ, ਰਣਜੀਤ ਡਾਢੀ ਆਦਿ ਹਾਜ਼ਰ ਸਨ।

Have something to say? Post your comment