Article

ਸੌਂਹ // ਜਸਵੰਤ ਸਿੰਘ ਲਖਣਪੁਰੀ

September 12, 2018 09:15 PM
General


ਨੀਟਾ ਅਮਲੀ ਪਿੰਡ ਵਿਚ ਚੋਰੀ ਕਰਨ ਵਿਚ ਪੂਰਾ ਮਸ਼ਹੂਰ ਸੀ। ਇਸ ਕੰਮ 'ਚ ਹੁੰਦੇ ਹੋਏ ਵੀ ਉਹ ਅਪਣੇਂ ਆਪ ਨੂੰ ਬੇਦੋਸ਼ਾ ਸਾਬਤ ਕਰ ਹੀ ਦਿੰਦਾ ਸੀ। ਬੇਦੋਸ਼ਾ ਸਾਬਤ ਉਹ ਪਿੰਡ ਦੇ ਡੇਰੇ ਵਾਲੇ ਬਾਬੇ ਦੀ ਸੌਂਹ ਖਾਕੇ ਹੋ ਜਾਂਦਾ ਸੀ।ਜਦੋਂ ਕੋਈ ਵੀ ਇਲਜ਼ਾਮ ਲਗਦਾ,ਡੇਰੇ ਵੱਲ ਮੂੰਹ ਕਰਕੇ ਸੌਂਹ ਖਾਹ ਲੈਦਾ ਸੀ।ਕਰਨੀ ਵਾਲੇ ਬਾਬੇ ਤੋਂ ਡਰਦੇ ਪਿੰਡ ਵਾਲੇ ਛੱਡ ਦਿੰਦੇ ਸੀ,ਕਿ ਸੌਂਹ ਖਾਦੀ ਏ ਝੂਠੀ ਹੋਈ ਬਾਬਾ ਆਪੇ ਪੁੱਠਾ ਲੰਮਕਾਊ ।
        ਉੰਝ ਨੀਟਾ ਮੇਰਾ ਚੰਗਾ ਦੋਸਤ ਵੀ ਸੀ 'ਤੇ ਮੈਨੂੰ ਦਿਲ ਦੀ ਗੱਲ ਵੀ ਦਸ ਦਿੰਦਾ ਸੀ।
        ਇਕ ਦਿਨ ਨੀਟੇ ਤੋਂ ਮੈਂ ਸੌਂਹ ਵਾਲੀ ਗੱਲ ਪੁੱਛੀ "ਨੀਟੇ,"ਤੂੰ ਚੋਰੀ ਚੁਗਲੀ ਕਰਦਾ ਏ ਮੈਨੂੰ ਪਤੈ,ਪਰ ਤੂੰ ਬਾਬੇ ਦੀ ਸੌੰਹ ਕਿਓਂ ਖਾਦਾਂ ਏ"?
            ਉਹ ਉੱਚੀ ਉੱਚੀ ਹੱਸਣ ਲੱਗਾ ਪਿਆ'ਤੇ ਕਹਿਣ ਲੱਗਾ "ਯਾਰ ਮੈਂ ਹਰ ਪੰਦਰਾ ਦਿਨ ਬਾਅਦ ਬਾਬੇ ਨੂੰ ਸੁਵੱਖਤੇ ਉਠ ਅਰਦਾਸ ਕਰਦਾ ਹਾਂ !' ਹੇ ਬਾਬਾ ਜੀ ਤੁਹਾਡੀ ਸੌਂਹ ਆਹ ਪੰਦਰੀ ਵਿਚ ਮੈਂ ਤੁਹਾਡੀਆਂ ਪੰਜ ਝੂਠੀਆਂ ਸੌਂਹਾਂ ਖਾਂਵਾਂਗਾ ਹੁਣ ਮੈਂ ਤਾਂ ਬਾਬੇ ਨੂੰ ਪਾਈ ਸੌਂਹ 'ਤੇ ਖੜਨਾ ਹੈ ਪਿੰਡ ਮੂਹਰੇ ਖਾਦੀ ਸੌਂਹ ਦਾ ਮੈਨੂੰ ਕੀ ਫ਼ਰਕ?"ਨੀਟੇ ਦੀ ਇਹ ਗੱਲ ਸੁਣ ਕੇ ਮੈਂ ਨਿਰ ਉਤਰ ਹੋਗਿਆ।
           

Have something to say? Post your comment