Poem

ਪਿਆਰੀ ਧਰਤੀ ਮਾਂ //ਪ੍ਰਗਟ ਸਿੰਘ ਮਹਿਤਾ

September 13, 2018 09:09 PM
General

ਧਰਤੀ ਮੈਂ ਤਾਂ ਗੋਲ ਮਟੋਲ,
 ਦੱਸਦੀ ਹਾਂ ਅੱਜ ਸਾਰਾ ਖੋਲ।


ਜੀਵਨ ਦਾਤਾ ਮੈਂ ਹਾਂਸਭ ਦੀ,
ਰੱਖਾਂ ਅੰਨ ਸੰਭਾਲ,
 ਪ੍ਰਾਣ ਆਧਾਰ ਪਾਣੀ ਦੀ ਮੈਂ ਤਾਂ,
 ਕਰਦੀ ਨਿੱਤ ਸੰਭਾਲ।
ਮਿੱਟੀਆਂ ਵਿੱਚੋਂ ਕਾਲੀ ਮਿੱਟੀ,
 ਬੜੀ ਮਹੱਤਤਾ ਰੱਖੇ,
 ਜੋ ਵੀ ਭਾਂਡਾ ਬਣ ਜੇ ਇਸ ਤੋਂ,
ਪਾਣੀ ਠੰਡਾ ਰੱਖੇ ।
ਮਿੱਟੀਆਂ ਦਾ ਭੰਡਾਰ ਹੈ ਧਰਤੀ,
ਲੇਪ ਜੋ ਸਦਾ ਕਰਦੇ,
 ਇਸ ਉਪਚਾਰ ਦਾ ਬੜਾ ਮਹੱਤਵ,
ਬਿਨਾਂ ਦਵਾਈ ਸਰਜੇ।
 ਵਨਸਪਤੀ ਦਾ ਬਣਾ ਆਧਾਰ,
ਹਰ ਪ੍ਰਾਣੀ ਨੂੰ ਕਰਾਂ ਪਿਆਰ ।
ਤੱਤ ਭਰਪੂਰ ਖਜ਼ਾਨਾ ਵੰਡਾਂ ,
ਹਰ ਰੁੱਖ ਮੇਰਾ ਬਣੇ ਸ਼ਿੰਗਾਰ।
 ਹਰ ਇੱਕ ਦਾ ਸਤਿਕਾਰ ਹੈ ਧਰਤੀ,
ਸਭ ਦੀ ਪਾਲਣਹਾਰ ਹੈ ਧਰਤੀ ।
ਹਰ ਇੱਕ ਦਾ ਨਿਵਾਸ ਹੈ ਧਰਤੀ ,
ਇਸ ਲਈ ਬੜੀ ਹੀ ਖਾਸ ਹੈ ਧਰਤੀ ।
ਆਓ ਸਾਰੇ ਰੁੱਖ ਲਗਾਈਏ ,
ਇਸ ਧਰਤੀ ਦੀ ਕਦਰ ਵਧਾਈਏ ।
ਧਰਤੀ ਦਾ ਪਾਣੀ ਨਾ ਮੁੱਕਣ ਦੇਈਏ ,
ਰੁੱਖਾਂ ਨੂੰ ਨਾ ਸੁੱਕਣ ਦੇਈਏ।
‘ ਪ੍ਰਗਟ ‘ ਜੋ ਜੰਮਿਆ ਪਲਿਆ ਵੱਡਾ ਹੋਇਆ ,
ਇਸ ਧਰਤੀ ਦੇ ਵਿੱਚ ਸਮੋਇਆ।
 ਸਭ ਦੀ ਸਾਂਝੀ ਧਰਤੀ ਮਾਂ,
 ਠੰਢੀ ਮਿੱਠੀ ਇਸ ਦੀ ਛਾਂ।
 
ਪ੍ਰਗਟ ਸਿੰਘ ਮਹਿਤਾ

Have something to say? Post your comment