13

November 2018
Patiala Rattan award to Mr Ujagar Singh Former Disstt Public Relations officerਪਟਿਆਲਾ ਰਤਨ ਅਵਾਰਡ ਦੇ ਕੇ ਸਨਮਾਨਤ ਕੀਤਾ ਸਾਬਕਾ ਜਿਲਾ ਲੋਕ ਸੰਪਰਕ ਅਧਿਕਾਰੀ ਉਜਾਗਰ ਸਿੰਘ ਨੂੰਬਰਮਿੰਘਮ ਦੀ ਮੋਹਨਜੀਤ ਬਸਰਾ ਦੀ ਝੋਲੀ ਪਿਆ ਸਰਵੋਤਮ ਟੀ ਵੀ ਪੇਸ਼ਕਾਰਾ ਐਵਾਰਡFlyAmritsarInitiative Impact: Amritsar Airport Gets Six New Air Routes Under UDAN-III SCHEMEਸਿੱਖ ਫੌਜੀਆਂ ਦੀ ਬਹਾਦਰੀ ਦੇ ਪ੍ਰਤੀਕ ਬੁੱਤ ਦੀ ਬੇਅਦਬੀ ਗਹਿਰੀ ਸਾਜ਼ਿਸ਼ ਦਾ ਹਿੱਸਾ-ਯੂਨਾਈਟਿਡ ਖਾਲਸਾ ਦਲ ਯੂ ਕੇ 'ਲਾਟੂ' ਨਾਲ ਅਦਿੱਤੀ ਸ਼ਰਮਾਂ ਦੀ ਮੁੜ ਵਾਪਸੀ ਪਿੰਡ ਮੇਰਾ ਪੁਰਾਣਾ//ਮੱਖਣ ਸ਼ੇਰੋਂ ਵਾਲਾਫੌਜ ਮੁਖੀ ਰਾਵਤ ਦੇ ਬਿਆਨ ਚੋਂ ਸਿੱਖਾਂ ਪ੍ਰਤੀ ਨਫਰਤ ਦੀ ਬੋ ਆਉਂਦੀ ਹੈ// ਬਘੇਲ ਸਿੰਘ ਧਾਲੀਵਾਲਕੌਮ ਦੀ ਲੱਥੀ ਪੱਗ ਮੁੱੜ ਕੌਮ ਦੇ ਸਿਰ 'ਤੇ ਰੱਖਣ ਵਾਲੇ ਅਮਰ ਸ਼ਹੀਦ ਭਾਈ ਬੇਅੰਤ ਸਿੰਘ ਮਲੋਆ ਦੇ 34ਵੇਂ ਸ਼ਹੀਦੀ ਦਿਹਾੜੇ 'ਤੇ ਵਿਸ਼ੇਸ਼//ਮੇਜਰ ਸਿੰਘਕਦੋਂ ਤੱਕ ਲੋਕਾਂ ਨੂੰ ਜ਼ਹਿਰ ਖਲਾਇਆ ਜਾਏਗਾ//ਪ੍ਰਭਜੋਤ ਕੌਰ ਢਿੱਲੋਂ
Punjabi

ਬਰਤਾਨਵੀ ਸੰਸਦ ‘ਚ ਐਡਵੋਕੇਟ ਹਰੀ ਸਿੰਘ ਦੀ ਸਵੈਜੀਵਨੀ ਲੋਕ ਅਰਪਣ ਕਰਨ ਹਿਤ ਸਮਾਗਮ ਦਾ ਆਯੋਜਨ

October 31, 2018 09:30 PM

 ਬਰਤਾਨਵੀ ਸੰਸਦ ‘ਚ ਐਡਵੋਕੇਟ ਹਰੀ ਸਿੰਘ ਦੀ ਸਵੈਜੀਵਨੀ ਲੋਕ ਅਰਪਣ ਕਰਨ ਹਿਤ ਸਮਾਗਮ ਦਾ ਆਯੋਜਨ
-ਹਰੀ ਸਿੰਘ ਨੇ ਆਪਣੇ ਕਿੱਤੇ ਦੀ ਪਵਿੱਤਰਤਾ ਨੂੰ ਕਾਇਮ ਰੱਖਿਐ- ਐੱਮ. ਪੀ. ਵੀਰੇਂਦਰ ਸ਼ਰਮਾ
-ਕਿਤਾਬ ਦੀ ਵਿਕਰੀ ਤੋਂ ਹੋਣ ਵਾਲੀ ਕਮਾਈ ਖੈਰਾਤੀ ਕੰਮਾਂ ਲਈ ਵਰਤਣ ਦਾ ਐਲਾਨ
ਲੰਡਨ (ਮਨਦੀਪ ਖੁਰਮੀ) “ਪੰਜਾਬੀ ਭਾਈਚਾਰੇ ਦੇ ਲੋਕਾਂ ਨੇ ਬਰਤਾਨੀਆ ਦੀ ਮਜ਼ਬੂਤ ਆਰਥਿਕਤਾ ਵਿੱਚ ਹੀ ਆਪਣਾ ਬਣਦਾ ਯੋਗਦਾਨ ਨਹੀਂ ਪਾਇਆ ਸਗੋਂ ਰਾਜਨੀਤਕ ਖੇਤਰ ਦੇ ਨਾਲ ਨਾਲ ਹਰ ਖੇਤਰ ਵਿੱਚ ਆਪਣੀ ਧਾਂਕ ਜਮਾ ਕੇ ਸ਼ਾਨਾਮੱਤੇ ਰੁਤਬੇ ਹਾਸਲ ਕੀਤੇ ਹਨ। ਐਡਵੋਕੇਟ ਹਰੀ ਸਿੰਘ ਵੱਲੋਂ ਆਪਣੇ ਕਾਨੂੰਨੀ ਖੇਤਰ ਦੇ ਤਜ਼ਰਬਿਆਂ ਨੂੰ ਇੱਕ ਕਿਤਾਬ ਦਾ ਰੂਪ ਦੇਣਾ ਇਹ ਦੱਸਦਾ ਹੈ ਕਿ ਉਹਨਾਂ ਨੇ ਸੰਘਰਸ਼ ਦੇ ਦੌਰ ‘ਚੋਂ ਗੁਜ਼ਰਦਿਆਂ ਕਿਵੇਂ ਆਪਣੇ ਕਿੱਤੇ ਨਾਲ ਇਨਸਾਫ਼ ਕੀਤਾ ਹੈ। ਉਹਨਾਂ ਦੀ ਇਹ ਸਵੈ-ਜੀਵਨੀ ਇਤਿਹਾਸਕ ਦਸਤਾਵੇਜ ਦਾ ਰੁਤਬਾ ਹਾਸਲ ਕਰਨ ਦੀ ਕਾਮਨਾ ਕਰਦਾ ਹਾਂ।“, ਉਕਤ ਵਿਚਾਰਾਂ ਦਾ ਪ੍ਰਗਟਾਵਾ ਐੱਚ. ਐੱਸ. ਲਾਅ ਸੋਲਿਸਟਰਜ਼ ਐਂਡ ਨੋਟਰੀਜ਼ ਦੇ ਮਾਲਕ ਐਡਵੋਕੇਟ ਹਰੀ ਸਿੰਘ ਦੀ ਸਵੈ-ਜੀਵਨੀ ਨੂੰ ਲੋਕ ਅਰਪਣ ਕਰਨ ਹਿਤ ਹੋਏ ਸਮਾਗਮ ਦੌਰਾਨ ਇੰਗਲੈਂਡ ਦੇ ਲੇਬਰ ਪਾਰਟੀ ਮੈਂਬਰ ਪਾਰਲੀਮੈਂਟ, ਸ਼ੈਡੋਅ ਚਾਂਸਲਰ ਆਫ਼ ਐਕਸਚੈਕਰ ਜੌਹਨ ਮੈਕਡਾਨਲਡ ਨੇ ਆਪਣੀ ਭਾਵਪੂਰਤ ਤਕਰੀਰ ਦੌਰਾਨ ਕੀਤਾ। ਬਰਤਾਨਵੀ ਸੰਸਦ ਵਿੱਚ ਆਯੋਜਿਤ ਹੋਏ ਇਸ ਸਮਾਗਮ ਦੌਰਾਨ ਮੈਂਬਰ ਪਾਰਲੀਮੈਂਟ ਵੀਰੇਂਦਰ ਸ਼ਰਮਾ, ਸਾਬਕਾ ਅਟਾਰਨੀ ਜਨਰਲ ਮੈਂਬਰ ਪਾਰਲੀਮੈਂਟ ਡੌਮੇਨਿਕ ਗ੍ਰੀਵ, ਗ੍ਰੁਟਰ ਲੰਡਨ ਅਸੰਬਲੀ ਮੈਂਬਰ ਡਾ: ਉਂਕਾਰ ਸਿੰਘ ਸਹੋਤਾ, ਈਲਿੰਗ ਕੌਂਸਲ ਦੇ ਮੇਅਰ ਤਜਿੰਦਰ ਸਿੰਘ ਧਾਮੀ, ਫਾਰਮੂਲਾ ਵੰਨ ਦੇ ਡਾ: ਟੀ.  ਵੀ. ਲਕਸ਼ਮੀ ਕਾਨਥਮ, ਗਾਡਫਾਦਰ ਆਫ਼ ਭੰਗੜਾ ਵਜੋਂ ਜਾਣੇ ਜਾਂਦੇ ਗਾਇਕ ਚੰਨੀ ਸਿੰਘ ਅਲਾਪ (ਓ. ਬੀ. ਈ.), ਮੈਂਬਰ ਪਾਰਲੀਮੈਂਟ ਸਟੀਫਨ ਪਾਡ, ਸਾਬਕਾ ਡਿਪਟੀ ਲੀਡਰ ਈਲਿੰਗ ਕੌਂਸਲ ਰਣਜੀਤ ਧੀਰ, ਕੌਂਸਲਰ ਰਾਜੂ ਸੰਸਾਰਪੁਰੀ, ਪ੍ਰਸਿੱਧ ਲੇਖਕ ਸਾਥੀ ਲੁਧਿਆਣਵੀ, ਤਜਿੰਦਰ ਸਿੰਘ ਸੇਖੋਂ, ਸੁਖਦੇਵ ਕੋਮਲ, ਇੰਡੀਅਨ ਵਰਕਰਜ਼ ਐਸੋ: ਸਾਊਥਾਲ ਦੇ ਸਕੱਤਰ ਇਕਬਾਲ ਵੈਦ, ਸੈਂਸੀਅਲ ਸੋਲਿਸਟਰ ਦੇ ਸਾਜ਼ਿਦ ਏ ਸ਼ੇਖ ਆਦਿ ਬੁਲਾਰਿਆਂ ਨੇ ਹਰੀ ਸਿੰਘ ਦੇ ਕਾਨੂੰਨੀ ਖੇਤਰ ਵਿੱਚ ਪਾਈਆਂ ਅਮਿੱਟ ਪੈੜਾਂ ਦੀ ਸ਼ਲਾਘਾ ਕਰਦਿਆਂ ਉਹਨਾਂ ਦੀਆਂ ਸੇਵਾਵਾਂ ਨੂੰ ਬੇਮਿਸ਼ਾਲ ਕਿਹਾ। ਆਪਣੀ ਸਵੈਜੀਵਨੀ “ਲੁਕਿੰਗ ਬੈਕ ਵਿਦ ਡਿਲਾਈਟ“ ਦੇ ਸੰਬੰਧ ‘ਚ ਹਾਜ਼ਰੀਨ ਦੇ ਮੁਖਾਤਿਬ ਹੁੰਦਿਆਂ ਐਡਵੋਕੇਟ ਹਰੀ ਸਿੰਘ ਨੇ ਜਿੱਥੇ ਆਪਣੇ ਸੰਘਰਸ਼ ਦੀ ਦਾਸਤਾਨ ਸੰਖੇਪ ਸ਼ਬਦਾਂ ਵਿੱਚ ਸੁਣਾ ਕੇ ਤਾੜੀਆਂ ਦੇ ਖ਼ਜ਼ਾਨੇ ਲੁੱਟੇ ਉੱਥੇ ਉਹਨਾਂ ਐਲਾਨ ਕੀਤਾ ਕਿ ਇਸ ਕਿਤਾਬ ਦੀ ਵਿਕਰੀ ਤੋਂ ਇਕੱਠੀ ਹੋਈ ਮਾਇਆ ਨੂੰ ਉਹ ਖੈਰਾਤੀ ਕੰਮਾਂ ਲਈ ਦਾਨ ਕਰਨਗੇ। ਜਿਕਰਯੋਗ ਹੈ ਕਿ ਹਰੀ ਸਿੰਘ ਨੇ ਲੰਡਨ ਯੂਨੀਵਰਸਿਟੀ ਅਤੇ ਕੈਂਬਰਿਜ਼ ਯੂਨੀਵਰਸਿਟੀ ਤੋਂ ਕਾਨੂੰਨ ਦੀ ਵਿੱਦਿਆ ਹਾਸਲ ਕੀਤੀ ਹੋਈ ਹੈ। ਉਹਨਾਂ ਹੇਗ ਅਕੈਡਮੀ ਆਫ ਇੰਟਰਨੈਸ਼ਨਲ ਲਾਅ ਅਤੇ ਯੂਰਪੀਅਨ ਅਕੈਡਮੀ ਇਨ ਫਲੋਰੈਂਸ ਤੋਂ ਵੀ ਕਾਨੂੰਨ ਦੇ ਕੋਰਸ ਕੀਤੇ ਹੋਏ ਹਨ। ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਕਾ: ਸਰਵਣ ਜ਼ਫ਼ਰ, ਡਾ: ਗੁਲਨਾਜ਼ ਚੰਡੋਕ, ਐੱਚ ਐੱਸ ਰਾਓ, ਪ੍ਰਦੀਪ ਆਨੰਦ, ਕੌਂਸਲਰ ਹਰਭਜਨ ਧੀਰ, ਗੁਰਪ੍ਰੀਤ ਧਾਮੀ, ਨਰਿੰਦਰ ਸੰਧੂ, ਐੱਨ ਐੱਸ ਸ਼ੇਰਗਿੱਲ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਜੱਜ ਸਾਹਿਬਾਨ, ਐਡਵੋਕੇਟ, ਉੱਘੇ ਕਾਰੋਬਾਰੀ, ਕੌਂਸਲਰ ਅਤੇ ਬੈਂਕਾਂ ਦੇ ਅਧਿਕਾਰੀਆਂ ਨੇ ਵੀ ਸ਼ਿਰਕਤ ਕੀਤੀ।

Have something to say? Post your comment
Punjabi in Holland
Email : hssandhu8@gmail.com

Total Visits
php and html code counter
Copyright © 2016 Punjabi in Holland. All rights reserved.
Website Designed by Mozart Infotech