Poem

ਬੂਟਾ ਵਫਾ ਦਾ// ਪ੍ਰੀਤ ਰਾਮਗੜ੍ਹੀਆ

November 06, 2018 10:38 PM
General

ਕਾਗਜ ਦੇ ਫੁੱਲ ਕਦ ਮਹਿਕਦੇ
ਸੋਹਣੇ ਤਾਂ ਦੇਖਣ ਨੂੰ ਬੜੇ
ਹਾਲ ਏਸਾ ਹੁਣ ਹੋ ਗਿਆ
ਲੋਕੀ ਦਿਸਦੇ ਆਪਣੇ ਜਿਹੇ....

ਵਾਰ ਪਿੱਠ ਚ ਕਦ ਖੋਭ ਜਾਣ
ਪਤਾ ਵੀ ਨਾ ਲੱਗੇ ਕਦੇ
ਹਰ ਵਕਤ ਨੇ ਜੀ - ਜੀ ਕਰਦੇ
ਮਿੱਠੇ ਬੋਲ ਪਤਾਸੇ ਘੋਲਦੇ
ਕੁਝ ਸਮੇਂ ਲਈ ਨਕਲੀ ਜਿਹਾ ਹੱਸਦੇ
ਅੰਦਰੋਂ ਵੈਰ ਭਾਵ ਰੱਖਦੇ.....

ਅਸਲੀ ਫੁੱਲਾਂ ਦੀ ਖੁਸ਼ਬੋ
ਗੁੰਮ ਹੋ ਗਈ ਕਿਤੇ
ਲੱਭਦੀ ਨਾ ਹੁਣ ਉਹ
ਚਾਰ ਚੁਫੇਰੇ ਬੜਾ ਹੀ ਟੋਹਿਆ ....

ਕਿੱਥੇ ਗਈ ਉਹ ਮਿੱਟੀ ਦੀ ਮਹਿਕ
ਬੰਜਰ ਹੋ ਗਈ ਵਿਸ਼ਵਾਸ ਦੀ ਧਰਤ
ਦੇਖ ਮਨ ਬੜਾ ਮਸੋਸ ਹੋਇਆ
ਕਾਸ਼ ! ਉਹ ਬੂਟਾ ਫੇਰ ਖਿਲ ਜਾਵੇ
ਪਿਆਰ ਤੇ ਵਫਾ ਦਾ ਬੀਜ ਕਿਤੇ ਮਿਲ ਜਾਵੇ......

" ਪ੍ਰੀਤ " ਫੇਰ ਇਕ ਸੋਹਣਾ ਜਹਾਨ ਸਜਾ ਲਈਏ
ਨਫ਼ਰਤ ਨੂੰ ਕਿਤੇ ਦਫਨਾ ਦੇਈਏ
ਲੱਗੇ ਆਪਣਾ ਜਿਹਾ ਪਰਿਵਾਰ ਦੁਨੀਆ
ਕਰ ਦੇਈਂ ਰੱਬਾ ਸਾਕਾਰ ਸੁਪਨਾ
ਕਾਗਜਾਂ ਦੇ ਫੁੱਲ ਨਾ ਮਹਿਕਦੇ
ਫੁੱਲ ਪਿਆਰ ਵਾਲਾ ਉਗਾ ਲਈਏ

                      ਪ੍ਰੀਤ ਰਾਮਗੜ੍ਹੀਆ
                     ਲੁਧਿਆਣਾ, ਪੰਜਾਬ

Have something to say? Post your comment