Sunday, March 24, 2019
FOLLOW US ON

Article

ਮਿੰਨੀ ਕਹਾਣੀ " ਗੁਣ "

February 21, 2019 09:21 PM
           ਮਿੰਨੀ ਕਹਾਣੀ " ਗੁਣ "
ਇੱਕ ਦਿਨ ਗਰੀਬ ਔਰਤ ਆਪਣੇ ਕੋਲ ਮੰਜੇ ਤੇ ਬੈਠੀ ਆਪਣੀ ਜਵਾਨ ਧੀ ਨੂੰ ਗੱਲੀਂ ਬਾਤੀਂ ਕਹਿਣ ਲੱਗੀ , ਪੁੱਤ ਹੁਣ ਤੂੰ ਜਵਾਨ ਹੋ ਗਈ ? ਐਨੇ ਨੂੰ ਉਸਦੀ ਸਹੇਲੀ ਮੀਨਾ ਵੀ ਆ  ਗਈ ਕਹਿਣ ਲੱਗੀ , ਕੀ ਗੱਲ ਹੈ ? ਮਾਵਾਂ ਧੀਆਂ ਬਹੁਤ ਖੁਸ਼ ਹੋ । ਪੁੱਤ ਮੈਂ ਵੀਨਾ ਨੂੰ ਕਹਿ ਰਹੀ ਸੀ , ਤੂੰ ਜਵਾਨ ਹੋ ਗਈ ਤੇਰੀ ਮੰਗਣੀ ਕਰ ਦਈਏ , ਤੈਨੂੰ ਕਿਹੋ ਪਤੀ ਚਾਹੀਦਾ ਹੈ ? ਹਾਂ ਹਾਂ ਛੇਤੀ ਦੱਸ ਆਂਟੀ ਨੂੰ ਹੱਸਦੀ ਹੋਈ ਨੇ ਕਿਹਾ । ਮੈਨੂੰ ਤਾਂ ਪਤੀ ਦੇਸ਼ ਧ੍ਰੋਹੀ , ਰਿਸ਼ਵਤ ਖੋਰੀ , ਨਸ਼ੇ ਦਾ ਸਦਾਗਰ ਹੋਵੇ , ਗ੍ਰਾਂਟਾਂ ਦੇ ਪੈਸੇ ਖਾਣ ਵਾਲਾ , ਦੇਸ਼ ਦਾ ਵਿਕਾਸ ਨਾ ਕਰਨ ਵਾਲਾ , ਸ਼ਹੀਦਾਂ ਦੇ ਪ੍ਰੀਵਾਰਾਂ ਨੂੰ ਮਿਲਦੀ ਰਾਸ਼ੀ ਖਾਣ ਵਾਲਾ ,ਦੇਸ਼ ਵਿੱਚ ਦੰਗੇ ਫ਼ਸਾਦ ਕਰਵਾਉਣ ਵਾਲਾ , ਸਰਕਾਰੀ ਦਫ਼ਤਰਾਂ 'ਚ ਅਯਾਲੀ ਕੰਮ ਕਰਵਾਉਣ ਵਾਲਾ , ਧੱਕੇ ਨਾਲ ਥਾਣਿਆਂ ਵਿੱਚੋਂ ਮੁਲਜ਼ਮਾਂ ਨੂੰ ਛਡਾਉਣ ਵਾਲਾ , ਵੀਨਾ ਦੀ ਗੱਲ ਨੂੰ ਕੱਟ ਦੀ ਹੋਈ ਉਸਦੀ ਸਹੇਲੀ ਬੋਲੀ‌‌ ਬੱਸ ਬੱਸ ਰਹਿਣ ਦੇ , ਕੰਮ ਗਰੀਬਾਂ ਵਾਲੇ ਕਰ ? ਰਹਿਣਾ ਝੋਪੜੀਆਂ ' ਚ ਸੁਪਨੇ ਦੇਖਣੇ ਅਮੀਰਾਂ ਵਾਲੇ , ਤੇਰਾ ਮਤਲਬ ਕੀ ਹੈ ? ਇਹ ਸਾਰੇ ਗੁਣ ਭਾਰਤ ਦੇ ਲੀਡਰਾਂ ਅਤੇ ਅਫਸਰਾਂ ਵਿੱਚ ਨੇ । ਇਹ ਗੱਲ ਸੁਣਕੇ ਮਾਵਾਂ ਧੀਆਂ ਉਹਦੇ ਮੂੰਹ ਵੱਲ ਤੱਕ ਦੀਆਂ ਰਹਿ ਗਈਆਂ ।
                                      ਹਾਕਮ ਸਿੰਘ ਮੀਤ ਬੌਂਦਲੀ
                                              ਮੰਡੀ ਗੋਬਿੰਦਗੜ੍ਹ
Have something to say? Post your comment