Thursday, November 21, 2019
FOLLOW US ON
BREAKING NEWS
ਆਜ਼ਾਦ ਘਰ ਖਾਲਿਸਤਾਨ ਦੇ ਨਿਸ਼ਾਨੇ ਤੋਂ ਪਿੱਛੇ ਹੱਟ ਕੇ ਕੌਮ ਨਾਲ ਧੋਹ ਨਹੀਂ ਕਮਾਵਾਗੇ । ਮੁੱਖੀ ਪੰਥਕ ਜਥੇਬੰਦੀਆਂ ਜਰਮਨੀ ਭਾਰਤੀ ਅੰਬੈਸੀ ਡੈਨਹਾਗ ਹਾਲੈਂਡ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਦੇ ਸੰਬੰਧ ਵਿੱਚ ਰੱਖੇ ਨਾਚ ਗਾਣੇ ਭੰਗੜੇ ਦਾ ਸਮਾਗਮ ਤੁਰੰਤ ਰੱਦ ਕਰ ਕੇ ਸਿੱਖ ਧਰਮ ਤੋ ਮੁਆਫੀ ਮੰਗੇ: ਜਥੇਦਾਰ ਕਰਮ ਸਿੰਘ ਹਾਲੈਂਡ ਨਿਊਜ਼ੀਲੈਂਡ ਪੁਲਿਸ 'ਚ ਤਿੰਨ ਸਾਲਾਂ ਦੌਰਾਨ 1800 ਪੁਲਿਸ ਅਫਸਰਾਂ ਦੀ ਭਰਤੀ ਦਾ ਟੀਚਾ ਪੂਰਾਪੰਜਾਬ ਦੀਆਂ ਮੰਡੀਆਂ ਵਿੱਚ ਪਰਮਲ, ਸਰਬਤੀ,ਦੇਵਗੌੜਾ ਸਰਬਤੀ ਝੋਨੇ ਦੀ ਪਾ੍ਰਇਵੇਟ ਖਰੀਦ ਬੰਦ ਕਰਕੇ ਸਰਕਾਰੀ ਤੌਰ ਉੱਤੇ ਖਰੀਦ ਕੀਤੀ ਜਾਵੇ। {ਮਾਸਟਰ ਹਰੇਸ਼ ਕੁਮਾਰ ਸੈਣੀ}ਸਿੱਖ ਰਾਜਸੀ ਕੈਦੀ ਰਹੇ ਬਾਪੂ ਗੁਰਜੰਟ ਸਿੰਘ ਨੂੰ ਵੱਖ ਵੱਖ ਪੰਥਕ ਸ਼ਖ਼ਸੀਅਤਾਂ ਵੱਲੋਂ ਸ਼ਰਧਾਂਜਲੀ ਭੇਟ।ਕਿਹੜੇ ਹੁੰਦੇ ਹਨ ਜ਼ਿਆਦਾ ਬਿਹਤਰ - ਖਬਚੂ ਜਾਂ ਸਜੂ ,,,,, ਡਾ: ਰਿਪੁਦਮਨ ਸਿੰਘ ਤੇ ਅਰਿਹੰਤ ਕੌਰ ਭੱਲਾ

Poem

(ਹਿੰਦ/ਪਾਕਿ)ਜਸਵੀਰ ਸ਼ਰਮਾਂ ਦੱਦਾਹੂਰ

October 04, 2019 08:46 AM

ਬੋਲੀ ਇੱਕੋ ਵਿਰਸਾ ਇੱਕੋ, ਦਿਲਾਂ ਚ ਫਰਕ ਕਿਉਂ ਪਾਇਆ?

ਐਡੀ ਕੀ ਮਜਬੂਰੀ ਸੀ,ਜੋ ਹਿੰਦ ਤੇ ਪਾਕਿ ਬਣਾਇਆ??
 
ਮਿਲਦੇ ਜੁਲਦੇ ਰਸਮ ਰਿਵਾਜਾਂ, ਦੋਨੋਂ ਪਾਸੀਂ ਸਾਰੇ।
ਬੁੱਧੀਜੀਵੀਆਂ ਨੂੰ ਹੈ ਲੱਗਦਾ, ਐਵੇਂ ਝੱਲ ਖਿਲਾਰੇ।।
 
ਇੱਕੋ ਜਿਹੇ ਖੇਤ ਹਨ ਤੇ ਇੱਕੋ ਜਿਹੀਆਂ ਫ਼ਸਲਾਂ।
ਸਮਝ ਨਹੀਂ ਆਉਂਦੀ ਕਿਹੜੀ ਗੱਲੋਂ ਵੰਡ ਲੲੀਆਂ ਨੇ ਨਸਲਾਂ??
 
ਅਲੱਗ ਥਲੱਗ ਪੲੇ ਦੁਨੀਆਂ ਨਾਲੋਂ, ਵੰਡ ਦੀ ਖਿੱਚ ਲਕੀਰ।
ਗਹੁ ਨਾਲ ਦੇਖਿਆ ਦੋਹਾਂ ਦੇਸ਼ਾਂ ਦੀ ਇੱਕੋ ਜਿਹੀ ਤਸਵੀਰ।।
 
ਸਮੇਂ ਦੀਆਂ ਸਰਕਾਰਾਂ ਨੇ ਕਿਉਂ ਐਡਾ ਕਹਿਰ ਕਮਾਇਆ।
ਚਿਰਾਂ ਤੋਂ ਸਾਂਭਿਆ ਉੱਜੜ ਗਿਆ ਜੋ, ਕੀਮਤੀ ਸੀ ਸਰਮਾਇਆ।।
 
ਹਾਸੇ ਰੁਲਗੇ ਸਾਰੇ ਪੱਲੇ ਪੈ ਗਿਆ ਸੱਭਦੇ ਰੋਣਾਂ।
ਕਿਸੇ ਦੀ ਮਾਈ ਫੌਤ ਹੋਗੀ,ਅੱਬਾ ਰਹਿ ਗਿਆ ਓਧਰ ਹੋਣਾਂ।।
 
ਧੀਆਂ ਭੈਣਾਂ ਦੀ ਬੇ-ਪੱਤੀ ਅੱਖਾਂ ਸਾਹਮਣੇ ਹੋਈ।
ਕੂਕ ਪੁਕਾਰ ਨਾ ਸੁਣੀ ਕਿਸੇ ਨੇ, ਅੰਬਰ ਧਰਤੀ ਰੋਈ।।
 
ਆਪਣਿਆਂ ਨੂੰ ਆਪਣਿਆਂ ਨੇ ਅੱਖਾਂ ਸਾਹਵੇਂ ਵੱਢਿਆ
ਭਰੇ ਭੁਕੰਨੇ ਘਰਾਂ ਨੂੰ ਸੀ ਜਦ ਵਿਲਕਦਿਆਂ ਨੇ ਛੱਡਿਆ।।
 
ਉਜਾੜਾ ਜਿਨ੍ਹਾਂ ਨੇ ਅੱਖੀਂ ਵੇਖਿਆ ਓਹ ਅੱਜ ਵੀ ਨੇ ਕੁਰਲਾਉਂਦੇ।
ਅਣਹੋਣੀਂ ਇਹੋ ਜਿਹੀ ਹੋਵੇ ਨਾ ਕਦੇ ਰਹਿਣ ਵਾਸਤੇ ਪਾਉਂਦੇ।।
 
ਹੈਵਾਨੀਅਤ ਵਾਲਾ ਨੰਗਾ ਨਾਚ, ਕੀਤਾ ਸੀ ਸਰਕਾਰਾਂ।
ਹਸਦੀ ਵਸਦੀ ਕਾਇਨਾਤ ਦੀਆਂ ਲੁੱਟੀਆਂ ਮੌਜ ਬਹਾਰਾਂ।।
 
ਭਾਈ ਨੂੰ ਭਾਈ ਦੇ ਨਾਲ ਲੜਾਕੇ,ਖੇਡੀ ਖੂਨ ਦੀ ਹੋਲੀ।
ਦਿੰਦੇ ਰਹੇ ਸਲਾਹਾਂ ਨਾ ਸੀ, ਕਿਸੇ ਦੀ ਗੱਲ ਹੀ ਗੌਲੀ।।
 
ਦੱਦਾਹੂਰੀਆ ਓਸ ਖੁਦਾ ਦੇ ਅੱਗੇ ਕਰੇ ਦੁਆਵਾਂ।
ਕੁੱਲ ਦੁਨੀਆ ਤੋਂ ਦੂਰ ਰੱਖੀਂ ਤੂੰ ਇਹੋ ਜਿਹੀਆਂ ਬਲਾਵਾਂ।।
 
ਜਸਵੀਰ ਸ਼ਰਮਾਂ ਦੱਦਾਹੂਰ
ਸ੍ਰੀ ਮੁਕਤਸਰ ਸਾਹਿਬ
95691 49556
Have something to say? Post your comment