Monday, May 25, 2020
FOLLOW US ON

News

ਕੁੱਲ ਹਿੰਦ ਕਿਸਾਨ ਸਭਾ ਨੇ ਪੰਜਾਬ ਦੀ ਕਿਸਾਨੀ ਨੂੰ ਬਚਾਉਣ ਲਈ ਦਿੱਤਾ ਮੰਗ ਪੱਤਰ

October 07, 2019 09:51 PM

ਕੁੱਲ ਹਿੰਦ ਕਿਸਾਨ ਸਭਾ ਨੇ ਪੰਜਾਬ ਦੀ ਕਿਸਾਨੀ ਨੂੰ ਬਚਾਉਣ ਲਈ ਦਿੱਤਾ ਮੰਗ ਪੱਤਰ

ਮਾਨਸਾ 7 ਅਕਤੂਬਰ (ਤਰਸੇਮ ਸਿੰਘ ਫਰੰਡ) ਅੱਜ ਇੱਥੇ ਕੁਲ ਹਿੰਦ ਕਿਸਾਨ ਸਭਾ ਦੇ ਸੂਬਾਈ ਸੱਦੇ ਤੇ ਜਥੇਬੰਦੀ ਦੀ ਜਿਲ੍ਹਾ ਮਾਨਸਾ ਇਕਾਈ ਨੇ ਪੰਜਾਬ ਦੀ ਕਿਸਾਨੀ ਨੂੰ ਬਚਾਉਣ ਲਈ ਡਿਪਟੀ ਕਮਿਸ਼ਨਰ ਮਾਨਸਾ ਰਾਹੀਂ ਮੰਗ ਪੱਤਰ ਮੁੱਖ ਮੰਤਰੀ ਪੰਜਾਬ ਨੂੰ ਭੇਜ ਕੇ ਮੰਗ ਕੀਤੀ ਕਿ ਕਰਜੇ ਦੀ ਮੁਆਫੀ ਸਮੇਤ ਸਾਰੀਆਂ ਮੰਗਾਂ ਫੌਰੀ ਮੰਨੀਆ ਜਾਣ। ਕੁੱਲ ਹਿੰਦ ਕਿਸਾਨ ਸਭਾ ਦੇ ਜਿਲ੍ਹਾ ਪ੍ਰਧਾਨ ਸਾਥੀ ਹਰਨੇਕ ਸਿੰਘ ਖੀਵਾ, ਜਿਲ੍ਹਾ ਸਕੱਤਰ ਸਾਥੀ ਬਲਦੇਵ ਸਿੰਘ ਬਾਜੇਵਾਲਾ ਅਤੇ ਸੂਬਾ ਕਮੇਟੀ ਮੈਂਬਰ ਸਾਥੀ ਸਵਰਨਜੀਤ ਸਿੰਘ ਦਲਿਓ ਨੇ ਦੱਸਿਆ ਕਿ ਕਿਸਾਨ ਸਭਾ ਨੇ ਮੰਗ ਕੀਤੀ ਕਿ  ਚੋਣਾਂ ਦੌਰਾਨ ਕਿਸਾਨਾਂ ਨਾਲ ਕੀਤੇ ਵਾਅਦੇ ਅਨੁਸਾਰ ਕਿਸਾਨੀ ਸਿਰ ਚੜ੍ਹੇ ਸਾਰੇ ਕਰਜੇ ਤੇ ਲਕੀਰ ਮਾਰੀ ਜਾਵੇੇ। ਹੜ੍ਹਾਂ ਨਾਲ ਹੋਏ  ਕਿਸਾਨਾਂ ਦੇ ਫਸਲਾਂ ਦੇ ਨੁਕਸਾਨ ਦਾ ਪ੍ਰਤੀ ਏਕੜ 35000/— ਰੁਪਏ ਜਾਨੀ ਤੇ ਮਾਲੀ ਦਾ 10 ਲੱਖ ਰੁਪਏ ਦਾ ਮੁਆਵਜਾ ਦਿੱਤਾ ਜਾਵੇ। ਅਵਾਰਾਂ ਪਸ਼ੂਆਂ, ਜੰਗਲੀ ਜਾਨਵਰਾਂ, ਕੁੱਤਿਆਂ ਦਾ ਸਰਕਾਰ ਰੱਖਾਂ ਬਣਾ ਕੇ ਆਪ ਪ੍ਰਬੰਧ ਕਰੇ, ਜੰਗਲਾਤ  ਮਹਿਕਮੇ ਨੂੰ ਨੁਕਸਾਨ ਲਈ ਜਿੰਮੇਵਾਰ ਬਣਾਵੇ ਤੇ ਮਨੁੱਖੀ ਜਾਨ ਜਾਣ ਤੇ 10 ਲੱਖ ਰੁਪਏ ਮੁਆਵਜਾ ਦਿੱਤਾ ਜਾਵੇ। ਗੰਨਾਂ ਕਾਸਤਕਾਰਾਂ ਦਾ ਗੰਨਾਂ ਮਿੱਲਾਂ ਵੱਲ ਪਿਆ ਬਕਾਇਆ ਸਮੇਤ ਵਿਆਜ ਕਿਸਾਨਾਂ ਨੂੰ  ਦਿਵਾਇਆ ਜਾਵੇ, ਗੰਨੇ ਦਾ ਭਾਅ 450/— ਰੁਪਏ ਕੁਇੰਟਲ ਮਿਥਿਆ ਜਾਵੇ। ਬਿਜਲੀ ਬਿਲਾਂ ਵਿੱਚ ਕੀਤਾ ਵਾਧਾ ਵਾਪਸ ਲਿਆ ਜਾਵੇ ਅਤੇ ਬਿੱਲ ਮਹੀਨਾਵਾਰ ਕੀਤੇ ਜਾਣ। ਪਰਾਲੀ ਸਾਂਭਣ ਦਾ ਸਰਕਾਰ ਆਪ ਪ੍ਰਬੰਧ ਕਰੇ ਜਾਂ ਫਿਰ ਕਿਸਾਨਾਂ ਨੂੰ ਸਾਂਭ—ਸੰਭਾਲ ਲਈ 7 ਹਜ਼ਾਰ ਰੁਪਏ ਪ੍ਰਤੀ ਏਕੜ ਖਰਚ ਦੇਵੇ। ਕਿਸਾਨੀ ਜਿਨਸਾਂ ਦੇ ਭਾਅ ਡਾ. ਸਵਾਮੀਨਾਥਨ ਕਮਿਸ਼ਨ ਦੀ ਸਿਫਾਰਸ਼ ਅਨੁਸਾਰ ਦਿਵਾਏ ਜਾਣ। ਪੰਜਾਬ ਵਿੱਚ ਚੱਲ ਰਹੇ ਨਸ਼ਿਆਂ ਦੇ ਧੰਦੇ ਨੂੰ ਸਖਤੀ ਨਾਲ ਬੰਦ ਕੀਤਾ ਜਾਵੇ। ਰਾਜੀਵ—ਲੌਂਗੋਵਾਲ ਸਮਝੌਤੇ ਅਨੁਸਾਰ 1 ਜੁਲਾਈ 1984 ਜੋ ਪਾਣੀ ਪੰਜਾਬ ਨੂੰ ਮਿਲਦਾ ਸੀ ਉਸ ਪਾਣੀ ਨੂੰ ਪੰਜਾਬ ਲਈ ਬਹਾਲ ਰੱਖਿਆ ਜਾਵੇ। ਆਗੂਆਂ ਨੇ ਕਿਹਾ ਕਿ ਜੇਕਰ ਪੰਜਾਬ ਸਰਕਾਰ ਨੇ ਇਨਾਂ ਮੰਗਾਂ ਤੇ ਧਿਆਨ ਦੇ ਕੇ ਹੱਲ ਨਾ ਕੀਤੀਆਂ ਤਾਂ ਕੁੱਲ ਹਿੰਦ ਕਿਸਾਨ ਸਭਾ ਅਗਲੀ ਰੂਪ ਰੇਖਾ ਉਲੀਕੇਗੀ। ਡਿਪਟੀ ਕਮਿਸ਼ਨਰ ਮਾਨਸਾ ਨੂੰ ਮੰਗ ਪੱਤਰ ਦੇਣ ਸਮੇਂ ਕਿਸਾਨ ਸਭਾ ਦੇ  ਜਿਲ੍ਹਾ ਆਗੂਆਂ ਸਾਥੀ ਦਰਸ਼ਨ ਸਿੰਘ ਧਲੇਵਾਂ, ਸਾਥੀ ਅਵਤਾਰ ਸਿੰਘ ਛਾਪਿਆਂਵਾਲੀ, ਸਾਥੀ ਸ਼ੰਕਰ ਸਿੰਘ ਜਟਾਣਾ, ਸਾਥੀ ਗੁਰਪਿਆਰ ਸਿੰਘ ਫੱਤਾ, ਸਾਥੀ ਸੁਰੇਸ਼ ਕੁਮਾਰ ਮਾਨਸਾ ਆਦਿ ਮੌਜੂਦ ਸਨ।

Have something to say? Post your comment
 

More News News

ਚਮਕੌਰ ਸਾਹਿਬ ਸੁੰਦਰੀਕਰ ਪ੍ਰੋਜੈਕਟ ਦਾ ਹੋਇਆ ਰਸਮੀ ਆਗਾਜ਼, 47 ਕਰੋੜ ਰੁਪਏ ਦੀ ਲਾਗਤ ਨਾਲ ਇਤਿਹਾਸਿਕ ਨਗਰੀ ਚਮਕੌਰ ਸਾਹਿਬ ਦੀ ਬਦਲੀ ਜਾਵੇਗੀ ਨੁਹਾਰ 37 ਹੋਰ ਮੌਤਾਂ ਬਾਅਦ ਬੈਲਜ਼ੀਅਮ ਵਿੱਚ ਕੋਰੋਨਾਂ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 10 ਹਜ਼ਾਰ ਨੇੜੇ ਸਾਨੂੰ ਹੋਰ ਪ੍ਰਾਰਥਨਾ ਦੀ ਜ਼ਰੂਰਤ ਹੈ’ ਟਰੰਪ ਨੇ ਰਾਜਾਂ ਨੂੰ ਕੋਰੋਨਾਵਾਇਰਸ ਸੰਕਟ ਦੇ ਬਾਵਜੂਦ ਆਪਣੇ-ਆਪਣੇ ਧਾਰਮਿਕ ਅਸਥਾਨ ਮੁੜ ਖੋਲ੍ਹਣ ਦਾ ਆਦੇਸ਼ ਕੋਵਿਡ-19 ਮਹਾਂਮਾਰੀ ਲਿਆਏਗੀ ਭਿਆਨਕ ਮੰਦੀ ਅਤੇ ਬੇਰੁਜ਼ਗਾਰੀ। ਪੱਤਰਕਾਰ ਦੀ ਸਹੁਰਾ ਪਰਿਵਾਰ ਵੱਲੋਂ ਭੈਣ ਦੀ ਹੱਤਿਆ ਮਾਮਲੇ ਵਿੱਚ 12 ਦਿਨਾਂ ਵਿੱਚ ਸਿਰਫ 1 ਦੋਸ਼ੀ ਗਿਰਫ਼ਤਾਰ ,ਕਾਰਵਾਈ ਨਾ ਹੋਣ ਤੇ ਪੁਲਿਸ ਚੌਕੀ ਅਜਨਾਲਾ ਵਿੱਖੇ ਹੋਵੇਗਾ ਪ੍ਰਦਰਸ਼ਨ । ਨਿਊਜ਼ੀਲੈਂਡ ਵਾਲੇ ਲੰਬੇ ਰੂਟ 'ਤੇ ਏਅਰ ਇੰਡੀਆ ਦਾ ਇਕ ਹੀ ਗੇੜਾ ਨਜ਼ਰ ਆ ਰਿਹੈ-4 ਨੂੰ ਆਣਾ 7 ਨੂੰ ਜਾਣਾ ਜਿ਼ਲ੍ਹਾ ਮਾਨਸਾ ਹੋਇਆ ਕੋਰੋਨਾ ਮੁਕਤl ਆਖ਼ਰੀ ਰਹਿੰਦੇ 2 ਮਰੀਜ਼ਾਂ ਨੂੰ ਮਿਲੀ ਹਸਪਤਾਲ ਤੋਂ ਛੁੱਟੀ —ਮਾਨਸਾ ਆਇਆ ਗਰੀਨ ਜ਼ੋਨ ਵਿਚl ਸਾਰੇ 33 ਕੋਰੋਨਾ ਮਰੀਜ਼ ਕੀਤੇ ਜਾ ਚੁੱਕੇ ਨੇ ਡਿਸਚਾਰਜ ਜਦੋਂ ਪੁਲਿਸ ਮੀਡੀਆ 'ਤੇ ਹਮਲਾ ਕਰਦੀ ਹੈ,ਤਾਂ ਸੱਤਾਧਾਰੀ ਚੁੱਪ ਵੱਟ ਜਾਂਦੇ ਹਨ : ਸਿੱਖ ਵਿਚਾਰ ਮੰਚ ਸ੍ਰੀ ਸ੍ਰੀ 108 ਸਤਿਗੁਰੂ ਗਿਆਨ ਨਾਥ ਮਹਾਰਾਜ ਜੀ ਦੇ ਪਵਿੱਤਰ ਅਸਥਾਨ ਲਈ ਕੋਈ ਵੀ ਭੱਦੀ ਸ਼ਬਦਾਵਲੀ ਦੀ ਵਰਤੋਂ ਨਾ ਕਰੇ .......... ਬਸਪਾ ਅੰਬੇਦਕਰ ਕਾਮਰੇਡ ਨੌਨਿਹਾਲ ਸਿੰਘ ਦੀ ਮੌਤ ਤੇ ਦੁੱਖ ਦਾ ਪ੍ਰਗਟਾਵਾ
-
-
-